Connect with us

පුවත්

තිරිඟු පිටි මිල රු.270ට වඩා අඩු කළොත් පාන්,බනිස් මිල අඩු කරන්න පුළුවන්

Published

on

වෙළෙඳපොළේ තිරිඟු පිටි කිලෝවක මිල රු. 290 දක්වා අඩු වුව ද පාන්, බනිස් ඇතුළු බේකරි නිෂ්පාදනවල මිල ගණන් අඩු කිරීමට හැකියාවක් නොමැති බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පවසයි.

පාන්, බනිස් ඇතුළු බේකරි නිෂ්පාදනවල මිල අඩු කිරීමට හැකියාව ඇත්තේ තිරිඟු පිටි කිලෝවක මිල රුපියල් 270ට වඩා අඩු වුවහොත් පමණක් බව ද හෙතෙම ප්‍රකාශ කරයි.

මේ සම්බන්ධයෙන් එම සංගමයේ සභාපතිවරයා කියා සිටියේ, බේකරි හිමියන්ට රුපියල් 300කටත් වඩා වැඩි මිලකට කළු කඩ වෙළෙඳපොළෙන් තිරිඟු පිටි මිල දී ගැනීමට සිදුවී ඇති බව ද එය රුපියල් 250ක් දක්වා අඩු කිරීමට පියවර ගන්නා ලෙස සහ එයට මැදිහත් වන ලෙස රජයෙන් ඉල්ලා සිටින බවය.

ඒ අනුව තිරිඟු පිටි කිලෝවක මිල රුපියල් 250ක් දක්වා අඩු වුවහොත් පාන්, බනිස් ඇතුළු බේකරි නිෂ්පාදනවල මිල ගණන් පහත දැමිය හැකි බව ද බේකරි හිමියන්ගේ සංගමයේ සභාපතිවරයා පැවසීය.

වැඩිදුරටත් සභාපතිවරයා පැවසුවේ, බේකරිවලට අවශ්‍ය තිරිඟු පිටිවලින් 50%ක ප්‍රමාණයක් සපයන තිරිඟු පිටි සමාගම් දෙක තිරිඟු පිටි මිල පහත හෙළිය යුතු බව ද පවසන ජයවර්ධන මහතා එම සමාගම් තිරිඟු පිටි මිල අඩු කරනතුරු පාන්, බනිස් ඇතුළු බේකරි නිෂ්පාදනවල මිල සංශෝධනය කිරීමට කිසිදු හැකියාවක් නොමැති බවය.

පුවත්

රජීව් අමරසූරිය, නීතිඥ සංගමයේ සභාපති ධුරයට

Published

on

By

ශ්‍රී ලංකා නීතිඥ සංගමයේ නව සභාපති ලෙස නීතිඥ රජීව් අමරසූරිය මහතා තේරී පත්ව ඇත.

නීතිඥ සංගමයේ නිලවරයණය අද (19) කොළඹ දී සිදුවිය.

Continue Reading

පුවත්

පුංචි ඡන්දයේ ඇප මුදල් නැවත ගෙවීමට පියවර

Published

on

By

2023 වසරේ පළාත් පාලන ආයතන ඡන්ද විමසීම සඳහා පිළිගත් දේශපාලන පක්ෂ හා ස්වාධීන කණ්ඩායම් විසින් තැන්පත් කරනු ලැබූ තැන්පතු, මැතිවරණ කොමිෂන් සභාවේ නියමය පරිදි ආපසු ගෙවීමට තීරණය කර තිබේ.

මැතිවරණ කොමසාරිස් ජනරාල් සමන් ශ්‍රී රත්නායක මහතා නිවේදනයක් නිකුත් කරමින් මේ බව දැනුම් දී තිබුණි

2023 වර්ෂයේ දී පැවැත්වීමට නියමිතව තිබුණු පළාත් පාලන ආයතන ඡන්ද විමසීම කල් තබන ලදී.

පසුගිය 17 වනදා පාර්ලිමේන්තුවේ සම්මත වූ 2025 අංක 1 දරන පළාත් පාලන ආයතන ඡන්ද විමසීම් (විශේෂ විධිවිධාන) පනතේ 2(3) වගන්තිය අනුව එම තැන්පතු සිදුකරනු ලැබූ තැනැත්තා වෙත ආපසු ගෙවිය යුතු යැයි දක්වා තිබේ.

එමෙන්ම තැන්පතු සිදුකරනු ලැබූ තැනැත්තාට ඒ වෙනුවෙන් නිකුත් කර තිබූ ලදුපත නැවත්ත ඉදිරිපත් කළ යුතුය.

ඒ අනුව තැන්පත් කරන ලද ඇප මුදල් ආපසු ගෙවීම සඳහා,

•එකී ආඥා පනතේ 29(3) වන උප වගන්තිය යටතේ, ඇප තැන්පත් මුදල් භාර අවස්ථාවේ දී ඇප මුදල් තැන්පත් කරන ලද තැනැත්තා වෙත ලබාදෙන ලද ලදුපතෙහි මුල් පිටපත; හා

•ඇප තැන්පත් මුදල් ආපසු ඉල්ලීමේ ලිපියක්; සමඟ

ඇප මුදල් තැන්පත් කරන ලද අදාළ දිස්ත්‍රික් මැතිවරණ කාර්යාලය වෙත 2025.02.28 දිනට පෙර භාරදිය යුතු බව අදාළ නිවේදනයේ සඳහන් වේ.

2025.02.28 දිනට පෙර භාරදෙනු ලබන ඉල්ලීම් සඳහා අදාළ දිස්ත්‍රික් මැතිවරණ කාර්යාල මගින් අදාළ තැනැත්තන් වෙත ඇප තැන්පත් මුදල් ආපසු ගෙවීමට නොපමාව කටයුතු කරන ලෙසට වැඩිදුරටත් නිවේදනයෙන් දැනුම් දී තිබේ.

Continue Reading

පුවත්

රතු නිවේදන නිකුත් කර තිබූ අපරාධකරුවන් දෙදෙනෙකු දිවයිනට

Published

on

By

රතු නිවේදන නිකුත් කර තිබූ මෙරට තුළ අපරාධ රැසකට සම්බන්ධ පුද්ගලයන් දෙදෙනෙකු අද (19) පස්වරුවේ කටුනායක ගුවන් තොටුපොළ වෙත රැගෙන විත්  තිබුණි.

මොවුන් අතරින් පළමු වැන්නා නඳුන් චින්තක නොහොත් හරක් කටා නැමැති සංවිධානාත්මක අපරාධකරුට මෙරටින් පළා යාම සඳහා උදව් උපකාර කළ අපරාධ පරීක්ෂණ දෙපාර්තමේන්තුවේ සේවය කළ රවිඳු සන්දීප ගුණසේකරයි .
ඔහු කන්තලේ ප්‍රදේශයේ පදිංචිකරුවෙකි.

අනෙක් පුද්ගලයා මිනීමැරුම් , වෙඩි තැබීම් රාශියකටම , ත්‍රස්ත විමර්ශන කොට්ඨාශයේ චෝදනා ලබා සිටි මීගමුව ප්‍රදේශයේ පදිංචි අමිල චන්ද්‍රානන්ද යන අයයි

මොවුන් දෙදෙනා පස්වරු 12.50 ට ඉන්දියාවේ චෙන්නායි සිට ඉන්ඩිගෝ ගුවන් සේවයට අයත් ගුවන් යානයකින් කටුනායක ගුවන් තොටුපොළ වෙත ගෙනැවිත් තිබේ.

ප්‍රකාශ සටහන් කර ගැනීමෙන් පසු මොවුන් දෙදෙනා වැඩිදුර විමර්ශන කටයුතු සඳහා කොළඹ ත්‍රස්ත විමර්ශන කොට්ඨාසය වෙත රැගෙන යාමට පියවර ගෙන තිබුණි.

තවත් මෙවැනිම රතු නිවේදන නිකුත් කළ අපරාධකරුවන් දෙදෙනෙකු අද රාත්‍රියේ  රැගෙන ඒමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved