Jul 19, 2019

ධීවර යාත්‍රා 30ක් මාලදිවයින දෙසට ගසාගෙන ගිහින්

අධික සුළං සහිත අයහපත් කාලගුණ තත්වය හේතුවෙන් ජාත්‍යන්තර මුහුදේ යාත්‍රා කරන බහුදින ධීවර යාත්‍රා 30 කට අධික සංඛ්‍යාවක් මාලදිවයින දෙසට ගසා ගෙන ගොස් ඇති බව ධිවර දෙපාර්තමේන්තුව ප්‍රකාශ කරයි.

එහි සෝදිසි මෙහෙයුම් අංශයේ අධ්‍යක්ෂ පත්මප්‍රිය තිසේරා මහතා සදහන් කළේ අදාළ යාත්‍රාවලට මාලදිවයින් මුහුදු සීමාවට ඇතුළු විමට අවසර ඉල්ලා ඇති බවයි.

ඒ පිලිබදව විදේශ කටයුතු අමාත්‍යංශය හරහා මාලදිවයින් බලධාරීන් දැනුවත් කර ඇති බවද මේ අතර අයහපත් කාලගුණය හේතුවෙන් දියඹේ අනතුරට ලක්වූ යාත්‍රා ඇත්දැයි නාවික හමුදාව සමග එක්ව පරීක්ෂා කරන බවද ඔහු පැවසීය.

නැවත දැනුම් දෙන තුරු මන්නාරම, පුත්තලම, කොළඹ, ගාල්ල හා හම්බන්තොට හරහා පොතුවිල් දක්වා වන මුහුදු ප්‍රදේශවල ධීවර කටයුතුවල යෙදීමෙන් වලකින ලෙස අධ්‍යක්ෂවරයා වැඩිදුරටත් සදහන් කරයි.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top