Jul 20, 2019

හේමසිරි රහස් පොලිසියේදී කියූ රහස් ! Featured

පාස්කු ඉරිදා සිදුවූ මරාගෙන මැරෙන බෝම්බ ප්‍රහාරය සම්බන්ධයෙන් මෙතෙක් අනාවරණය නොවූ කරුණු ඇතුළත් විශේෂ හෙළිදරව්වක් හිටපු ආරක්ෂක ලේකම් හේමසිරි ප්‍රනාන්දු මහතා විසින් රහස් පොලිසිය හමුවේ සිදුකර ඇතැයි වාර්තා වේ.

අධිකරණ නියෝගය මත පසුගියදා රහස් පොලීසිය වෙත පැමිණ පැය 9ක දීර්ඝ ප්‍රකාශයක් ලබාදුන් හෙතෙම පාස්කු බෝම්බ ප්‍රහාරයට වගකිවයුතු අංශ මෙන්ම එය වළක්වා ගැනීමට ක්‍රියා නොකළ වගකිවයුත්තන් ගැන සාක්ෂි සහිතව තොරතුරු ඉදිරිපත් කර ඇති බවද පැවසේ.

මේ ගැන බුද්ධි තොරතුරු ලැබුණ ආකාරය, එම තොරතුරු නිල වශයෙන් දැන සිටි තැනැත්තන් ඒවා ගැන විධිමත් පියවර නොගෙන අතපසු කළ තැනැත්තන් කවුද යන්න හේමසිරි ප්‍රනාන්දු විසින් හෙළිදරව් කර ඇත්තේ පළමුවරට බව කියැවේ.

බුද්ධි අංශ තොරතුරු විදේශ බුද්ධි සේවාවන් විසින් කල්තබාම සපයා තිබියදී ඒවා තහවුරු නොකළ වාර්තා ලෙස ඉහළට දැන්වූ ප්‍රබලයන් කවුද යන්නත් ඔහු විසින් සඳහන් කර ඇතැයි වාර්තා වේ.

ලැබුණ බුද්ධි තොරතුරු අන්තර්ජාතිකව පිළිගත් ක්‍රමවේදය ඔස්සේ විශ්ලේෂණය නොකර අතපසු කළ අය, තොරතුරු ලැබී දින 14ක් කල් මැරූ ප්‍රබලයන් හා “වට්ස් ඇප්” මගින් බුද්ධි තොරතුරු හුවමාරුව වැනි අනුවණ ක්‍රියා නිසා මෙම සාහසික ප්‍රහාරය සිදුකළ තැනැත්තන්ට සිය කටයුතු සඳහා දොරවල් විවෘත වූ ආකාරයද ඔහු විසින් හෙළිදරව් කර ඇති බවද පැවසේ.

මූලාශ්‍රය - දේශය

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top