Aug 22, 2019

බදු වැඩි නිසා වාහන ආනයනය පහළට

ජනවාරි සිට ජූනි දක්වා ශ්‍රී ලංකාවට ආනයනය කරන ලද පෞද්ගලික වාහන සඳහා දරන ලද වියදම 60.1%කින් පහත බැස ඇති බව ශ්‍රී ලංකා මහ බැංකුව විසින් ප්‍රකාශයට පත් කරන විදේශීය අංශයේ ක්‍රියාකාරීත්වය පිළිබඳ වාර්තාවේ සටහන් වේ.

මේ අතර 2019 ජූනි මාසයේ දී මෙරට ආනයනය කරන ලද පෞද්ගලික රථවාහන සඳහා දරා ඇති වියදම ඩොලර් මිලියන 48.1කි.

මෙය 2018 වසරේ ජූනි මාසයේ අගය වූ ඩොලර් මිලියන 146.8 හා සැසඳීමේ දී 67.2%ක පහළ යාමකි.

පෞද්ගලික භාවිතය සඳහා ගනු ලබන රථවාහන ආනයනය අඛණ්ඩව අඩු වීමද දෙමුහුන් හා විද්‍යුත් රථවාහන සහ සිලින්ඩර ධාරිතාව 1000ට අඩු රථ වාහන ආනයනය මත 2019 මාර්තු මාසයේ දී නිෂ්පාදන බදු ඉහළ දැමීමේ බලපෑම මෙමඟින් පිළිබිඹු කරනු ලබන බව මෙම වාර්තාවේ වැඩිදුරටත් සඳහන් වේ.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top