Nov 01, 2019

ඉදිරියේදී වෙරළබඩ ප්‍රදේශ ගංවතුරින් යටවීමේ අවදානමක Featured

වසර 2050 වනවිට මිලියන 300කට නිවහන වී ඇති වෙරළබඩ ප්‍රදේශ ගංවතුරින් යටවීමේ අවදානමක් ඇතැයි විද්‍යාඥයෝ නැවත වරක් අනතුරු අඟවති.
කාබන් විමෝචනය වැඩි වී ඇති බවත් එයත් තවත් හේතු රැසක් නිසාත් විශේෂයෙන්ම මානව ක්‍රියාකාරකම් නිසාත් දේශගුණික විපර්යාස වැඩි වී ඇති බවත් එම නිසා ගංවතුර අවදානම උග්‍ර අතට හැරී ඇති බවත් ඔවුහු පෙන්වාදෙති.    

‘අදත් හෙටත් කෙරෙන තේරීම්’ මානව ක්‍රියාකාරකම් අනුව 21 වැනි සියවස අර්ධයේදී සහ ඉන්පසුව එළැඹෙන කාලයේදී ‘ගෝලීය වෙරළ තීර’ ‘සිතියම්වල’ ඉතිරි වේද නොවේද යන්න තීරණය වනු ඇති බවත් එම විද්‍යාඥයෝ පෙන්වාදෙති. කඩිනම් පියවර නොගෙන්නේ නම් අනාගත පරම්පරාවලට වෙරළ තීර දැකගැනීමට නොහැකි වනු ඇතැයි එම විද්‍යාඥයෝ අනතුරු අඟවති.  

විනාශකාරී කුණාටු, බලවත් හා දැඩි හානි සිදු කරන සුළි සුළං සහ මුහුදු මට්ටම් ඉහළ යෑම වැඩි වී තිබෙන බවත් එයින් වැඩිම බලපෑමක් සිදුවන්නේ ආසියානු මහද්වීපයට බවත් එම අධ්‍යයනයෙන් අනාවරණය වී තිබේ.  

මේ තත්ත්වය නිසා චීනය, බංග්ලාදේශය, ඉන්දියාව, වියට්නාමය, ඉන්දුනීසියාව සහ තායිලන්තය යන රටවල ජනගහනයෙන් තුනෙන් දෙකකට වැඩි පිරිසක් අවදානමට පත්ව ඇතැයි ද අධ්‍යයනය කළ විද්‍යාඥයෝ පෙන්වාදෙති.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top