Nov 08, 2019

හතුරු පරීක්‍ෂණය මඟහරියි Featured

සේවය අත්හිටුවා තිබෙන ශ්‍රී ලංකා ජාතික ක්‍රිකට් කණ්ඩායමේ ප්‍රධාන පුහුණුකරු චන්දික හතුරුසිංහ මහතා ශ්‍රී ලංකා ක්‍රිකට් ආයතනය පැවැත්වූ පරීක්‍ෂණයකට සහභාගි වීම ප්‍රතික්ෂේප කර තිබේ.

හතුරුසිංහ මහතාගේ සේවය අත්හිටුවීම සම්බන්ධව පරීක්‍ෂණයක් ඊයේ (07) පෙරවරුවේ ශ්‍රී ලංකා ක්‍රිකට් මූලස්ථානයේදී පැවැත්වීමට නියමිතව තිබූ අතර එම පරීක්‍ෂණයට සහභාගි නොවන බව හතුරුසිංහ මහතා ශ්‍රී ලංකා ක්‍රිකට් ප්‍රධාන විධායක නිලධාරීවරයාට ලිඛිතව දැනුම්දී ඇති බව වාර්තා වේ.

"හතුරුසිංහ නොපැමිණිය ද පරීක්‍ෂණ ක්‍රියාත්මක වූවා ලෙස සලකනවා"

ශ්‍රී ලංකා ක්‍රිකට් ආයතනයේ උසස් නිලධාරියකු පැවසුවේ හතුරුසිංහ මහතා නොපැමිණිය ද පරීක්‍ෂණය ක්‍රියාත්මක වූවා ලෙස සළකා අවශ්‍ය කටයුතු ඉදිරියට ගෙන යන බවයි.

“හතුරුසිංහ පරීක්‍ෂණයට ආවේ නෑ. ඒත් අපි පරීක්‍ෂණය නැවැත්තුවේ නෑ. අපේ කටයුතු අපි කරගෙන යනවා” යැයි එම නිලධාරියා වැඩි දුරටත් පැවසීය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top