Nov 15, 2019

අල්ලස් චෝදනාවකට සුරාබදු එකේ 3ක් රිමාන්ඩ්

රුපියල් ලක්ෂ දෙකක අල්ලස් මුදලක් ඉල්ලා ඊට අනුබල දුන්නැයි කියන බත්තරමුල්ල සුරාබදු ඒකකයේ සුරාබදු නියාමක හේමන්ත කරුණාතිලක මහතා ඇතුළු පුද්ගලයන් දෙදෙනෙකු ලබන 29 තෙක් රක්ෂිත බන්ධනාගාරගත කරන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙනවිය අද (15) නියෝග කළාය.

මෙලෙස රක්ෂිත බන්ධනාගාරගත කරනු ලැබුවේ සුරාබදු නියාමක හේමන්ත කරුණාතිලක සහ මොහොමඩ් වජීර් මොහොමඩ් යන අයවලුන් දෙදෙනාය.

අත්අඩංගුවට ගත් පුද්ගලයකුට ගංජා නඩුවක් දමා නිදහස් කර දීමට සැකකාර සුරාබදු නියාමකවරයා මෙම රුපියල් ලක්ෂ දෙකක අල්ලස් ඉල්ලා ඊට අනුබල දුන්නැයි කියන සිද්ධියක් සම්බන්ධයෙන් සැකකරුවන් අත්අඩංගුවට ගෙන තිබිණි.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top