Nov 17, 2019

ගෝඨාභයට ඉන්දියාවෙන්, පකිස්තානයෙන් සුභපතුම්

ඊයේ (16) පැවති ජනාධිපතිවරණය ජයග්‍රහණය කළ ශ්‍රී ලංකා පොදුජන පෙරමුණේ අපේක්ෂක ගෝඨාභය රාජපක්ෂ මහතා හට ඉන්දීය අග්‍රාමාත්‍ය නරේන්ද්‍ර මෝදි සුබපතා තිබේ.

“අප දෙරට සහ පුරවැසියන් අතර සමීප හා සහෝදර සබඳතා ගැඹුරු කිරීමට මෙන්ම සාමය, සමෘද්ධිය මෙන්ම අප කලාපයේ ආරක්ෂාව සඳහා ඔබ සමඟ සමීපව කටයුතු කිරීමට මම බලාපොරොත්තු වන බව,” ට්විටර් පණිවිඩයක් එක්කරමින් ඔහු පවසා සිටියේය.

පිළිතුරු වශයෙන් රාජපක්ෂ මහතා පවසා තිබුණේ, “අප ජාතීන් දෙක, ඉතිහාසය හා පොදු විශ්වාසයන්ගෙන් බැඳී ඇති අතර, අප මිත්‍රත්වය ශක්තිමත් කිරීමටත් සහ නුදුරු අනාගතයේදී ඔබව හමුවීමට මම බලාපොරොත්තු,” වන බවයි.

මේ අතර, නිවේදනයක් නිකුත් කරමින් පාකිස්තාන රජය සහ නායකයා ද රාජපක්ෂ මහතා හට සුබපැතුම් එක්කර ඇත.

මැතිවරණ කොමිෂන් සභාව සහ ශ්‍රී ලංකා රජය විසින් නිදහස්, සාධාරණ හා සාමකාමී මැතිවරණයක් පැවැත්වීම අගය කරන බව සඳහන් කරන බව මෙම නිවේදනයේ දැක්වේ.

තවද, දෙරට අතර දැනටමත් ශක්තිමත් සම්බන්ධතාවය තවදුරටත් ශක්තිමත් කිරීම නව ජනාධිපතිවරයා සහ ඔහුගේ පිරිස සමඟ කටයුතු කිරීමට පාකිස්තානයේ නායකත්වය බලාපොරොත්තු වන බවත්, මෙම වැදගත් සබඳතාවය නව තලයකට ගෙනයාමටත් හැකිවනු ඇති බවත් පකිස්තාන රජය සිය අධිෂ්ඨානය පළ කරයි.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top