Nov 18, 2019

අමාත්‍යංශය පාපන්දු නිලධාරීන් ගැන ප්‍රශ්න කරයි Featured

ශ්‍රී ලංකා ජාතික පාපන්දු කණ්ඩායමේ නිත්‍ය තනතුරු 4ක කටයුතුකරන නිලධාරීන්ගේ සුදුසුකම් පිළිබඳව ක්‍රීඩා අමාත්‍යංශයට ලැබුණු පැමිණිල්ලක් මත එම අමාත්‍යංශය ප්‍රශ්නකර ඇතැයි වාර්තාවේ.

ඒ සම්බන්ධයෙන් කරුණු දක්වන ලෙස ක්‍රීඩා අමාත්‍යංශය පාපන්දු සම්මේලනයේ ප්‍රධානීන්ට දැනුම්දී ඇතැයි පැවසේ.

ප්‍රධාන පුහුණුකරු, සහය පුහුණුකරු, ගෝල රකින්නන්ගේ පුහුණුකරු හා සම්බාහක යන ශ්‍රී ලංකා ජාතික පාපන්දු කණ්ඩායමේ දැනට තනතුරු දරන්නන්ගේ සුදුසුකම් පිළිබඳව මෙසේ ප්‍රශ්න කර තිබේ.

ලෝක පාපන්දු සමුළුවේ රෙගුලාසි අනුව රටක ජාතික පාපන්දු පුහුණුකරු ධුරය දරන්නෙකු අවම ජාත්‍යන්තර පුහුණුකරු සිව්වැනි අදියර පාඨමාලාව සමත්ව තිබිය යුතුය.

දැනට සේවය කරන ශ්‍රී ලංකා ජාතික පාපන්දු පුහුණුකරු රූමි පකීර් අලි මහතා ජාත්‍යන්තර ‘ඒ’ ශ්‍රේණිය පුහුණුකරු පාඨමාලාව සමත්වූවකු වන අතර කෙසේ වුවත් ශ්‍රී ලංකාවේ මෙතෙක් අදියර 4 පාපන්දු පුහුණුකරු පාඨමාලාව සමත්වූවෙකු නොමැති බැවින් පකීර් අලි මහතාගේ සේවයට අන්තර් ජාතික පාපන්දු සමුළුවේ අනුමැතිය පළවී තිබෙන බවද වාර්තා වේ.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top