Dec 03, 2019

ලාංකික ක්‍රීඩිකාවන් 6ක් කත්මණ්ඩු හිදී සා/පෙළ ලියයි

දකුණු ආසියානු ක්‍රීඩා උළෙලට සහභාගී වන ශ්‍රී ලංකා කණ්ඩායමේ ක්‍රීඩක ක්‍රීඩිකාවන් 6 දෙනෙකු කත්මණ්ඩු හි ශ්‍රී ලංකා තානාපති කාර්යාලයේ දී අ.පො.ස. සාමාන්‍ය පෙළ විභාගයට පෙනී සිටියි.
විභාග දෙපාර්තමේන්තුවේ විභාග නිලධාරීන් දෙදෙනෙකු විසින් මෙම විභාගය පවත්වනු ලැබේ.
 
ෆෙන්සින් ක්‍රීඩා සඳහා සහභාගී වන වේල්ස් කුමරි විද්‍යාලයේ චතුනි භාග්‍යා සහ චමුදි ප්‍රතිභා ද, විශාඛා විද්‍යාවේ යෙහානි කුරුප්පු (ස්කොෂ්) සහ ගංගා සෙනෙවිරත්න (පිහිනුම්) ද, කාන්තා විද්‍යාලයේ අයේලා චිත්ති (මේසපන්දු) හා අලානා සෙනෙවිරත්න (ටෙනිස්) යන ක්‍රීඩිකාවන් මෙලෙස මෙම විභාගයට පෙනී සිටියි. 
 
මේ සම්බන්ධයෙන් මාධ්‍ය වෙත අදහස් දක්වමින් ශ්‍රී ලංකාවේ ජාතික ඔලිම්පික් කමිටුවේ ප්‍රධාන ලේකම් මැක්ස්වෙල් ද සිල්වා මහතා පවසා ඇත්තේ “ක්‍රීඩාවේ යෙදෙන අතරතුර වඩාත්ම වැදගත් වන්නේ අධ්‍යාපනය යැයි අපි විශ්වාස කරන," බවයි. අවසන් වරට ජකර්තා නුවරේදී ආසියානු ක්‍රීඩා උළෙල පැවැත්වූ අතරතුරේදී එක් ක්‍රීඩකයෙක් අ.පො.ස. උසස් පෙළ විභාගයට පෙනී සිටි බවද හෙතෙම පැවසීය. 
 
මේ වන විට ශ්‍රී ලංකාව රන් පදක්කම් 2 ක්, රිදී පදක්කම් 4 ක් සහ ලෝකඩ පදක්කම් 9 ක් සමඟ සාග් පදක්කම් සටහනේ තෙවැනි ස්ථානයට පත්වීමට සමත් වී සිටියි.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top