OPEN

#

OPEN

#

Dec 06, 2019

මුදල් වංචා කළ ගණකාධිකාරිවරයෙකුට වසර 367ක සිරදඬුවමක්

ව්‍යාජ ලේඛන ඉදිරිපත් කරමින් පෞද්ගලික සමාගමට අයත් රුපියල් විසි එක් ලක්ෂයකට අධික මුදලක් වංචා කිරීමේ චෝදනාවට වරදකරු කෙරුණු එම ආයතනයේ සේවය කළ ගණකාධිකාරීවරයෙකුට කොළඹ මහාධිකරණ විනිසුරු ශෂී මහේන්ද්‍රන් මහතා විසින් බරපතළ වැඩ සහිතව වසර 367ක සිරදඬුවම් හා රුපියල් ලක්ෂ 21 ක දඩයක්ද නියම කරනු ලැබීය.

2000 වසරේ ජනවාරි මස 4 වනදා සහ 2001 වසරේ ජනවාරි මස 3 වනදා අතර කාලසීමාවේ පුද්ගලික සමාගමේ ගණකාධිකාරිවරයෙකු ලෙස සේවය කළ විත්තිකරු ව්‍යාජ ලේඛන ඉදිරිපත් කරමින් එම ආයතනයට අයත් රුපියල් 2199130/- ක මුදලක් වංචා කළ බවට චෝදනා කරමින් නීතිපතිවරයා විසින් කොළඹ මහාධිකරණය හමුවේ අධිචෝදනා 19 ක් යටතේ නඩු පවරා තිබුණි.

නඩු විභාගය අතරතුරදී විත්තිකරු අධිකරණය මඟ හැර පලා ගිය අතර දීර්ඝ නඩු විභාගයකින් පසුව තීන්දුව ප්‍රකාශයට පත් කරමින් මහාධිකරණ විනිසුරුවරයා සඳහන් කළේ විත්තිකරුට එරෙහිව එල්ල කර තිබෙන චෝදනා සාධාරණ සැකයකින් තොරව ඔප්පු වී තිබෙන බවය.

මෙවැනි වරදවල් සිදුකරන සමාජයේ සිටින සෙසු පුද්ගලයින්ට ද ආදර්ශයක් විය හැකි තීන්දුවක් ලබා දිය යුතු බව සඳහන් කරමින්  කොළඹ මහාධිකරණ විනිසුරු ශෂී මහේන්ද්‍රන් මහතා විසින් විත්තිකරුට මෙම දඬුවම් ප්‍රකාශයට පත් කරනු ලැබීය.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top