Feb 04, 2017

'නිදහස සමරන්න රටක් ඉතිරි වේදැයි සැකයි' - මහින්ද

මෙවර ජාතික නිදහස් දිනය සැමරීමට ශ්‍රී ලංකාවට සිදුව ඇත්තේ එළැඹෙන වසරේදී එවැනි සැමරීමක් සඳහා රටක් ඉතිරි වේදැයි සැකයක් ද සිත දරාගෙන බව හිටපු ජනාධිපති මහින්ද රාජපක්ෂ මහතා පවසයි.

අදට යෙදී ඇති ජාතික නිදහස් දිනය වෙනුවෙන් ඔහු විසින් නිකුත්කළ නිවේදනයක එබව සඳහන් වේ.

ශ්‍රී  ලංකාව සතු දේපළ විදේශිකයින්ට විකුණා දැමීමට ද රටේ ඒකීය භාවය අවදානමට හෙළා කටයුතු කිරීමට ද වත්මන් පාලකයින් කටයුතු කරන බව ද එම නිවේදනයේ සඳහන් වේ.

 ඒ නිසා සැබෑ නිදහසේත් ස්වාධිපත්‍යයේත් වැදගත්කම අද දිනයේදී හෝ ඔවුන්ට අවබෝධ වේවායි ප්‍රාර්ථනා කරන බව මහින්ද රාජපක්ෂ මහතා කියා සිටියි.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top