Jul 31, 2020

අඩුවෙන්ම පාර්ලිමේන්තු ගිය අය අතර පක්ෂ නායකයන් 4ක්! Featured

පසුගිය පාර්ලිමේන්තුවේ අඩුම හා වැඩිම පැමිණීම වාර්තා කළ මන්ත්‍රීවරුන් පිළිබඳ වාර්තාවක් මේ වන විට පළ වී තිබේ.

Manthri.lk විසින් සම්පාදනය කරන ලද දත්ත වලට අනුව, 8 වැනි පාර්ලිමේන්තුවේ 40% හෝ ඊට වඩා අඩු පැමිණීමක් ඇති මන්ත්‍රීවරුන් 22 දෙනෙකු සිටියි.

ඒ අතරින් අඩුම පැමිණීම සහිත මන්ත්‍රීවරයා වන්නේ ප්‍රේමලාල් ජයසේකර නොහොත් 'චෝකා මල්ලී' ය. ඔහු ගේ පැමිණීමේ ප්‍රතිශතය 21%කි.

මෙහි විශේෂත්වය වන්නේ අවම පැමිණීම සහිත හිටපු පාර්ලිමේන්තු මන්ත්‍රීවරුන් අතර පක්ෂ නායකත්වය දැරූ හා දරණ සිවුදෙනෙකු ද සිටීමයි. ඒ, ශ්‍රී ලංකා පොදුජන පෙරමුණේ නායක - මහින්ද රාජපක්ෂ මහතා (33%), සමගි ජන බලවේගයේ නායක - සජිත් ප්‍රේමදාස මහතා (39%), ලංකා කම්කරු කොංග්‍රසයේ හිටපු නායක අරුමුගම් තොන්ඩමන් මහතා (22%) හා අපේ ජන බල පක්ෂයේ නායක - පූජ්‍ය අතුරලියේ රතන හිමියන් (39%) ය.

මේ අතර, 8 වැනි පාර්ලිමේන්තුව තුළ 90% ට වඩා වැඩි පැමිණීමක් තිබෙන මන්ත්‍රීවරුන් සිටින්නේ 13 දෙනෙකු පමණි. ඒ, අතරින් ඉදිරියෙන්ම සිටින්නේ එක්සත් ජාතීන්ගේ හිටපු පාර්ලිමේන්තු මන්ත්‍රී ගයාන්ත කරුණාතිලක මහතාය. ඔහුගේ පැමිණීමේ ප්‍රතිශතය 97.6%කි.

Parliment1 670px 20 07 31Parliment1 670px 20 07 31

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top