Sep 29, 2020

ලබන වසරේ සිට ලංකාවෙන් නව ගුවන් සේවයක් Featured

ශ්‍රී ලංකාවේ නවතම අන්තර්ජාතික වාණිජ ගුවන් සේවය වන ‘ස්පාර්ක් එයාර්’ ලබන වසරේ (2021) පෙබරවාරි මාසයේ සිට සිය මෙහෙයුම් කටයුතු ආරම්භ කිරීමට නියමිත බව ආරක්ෂණ කළමනාකරණ පද්ධති ප්‍රධානී උදිත දන්වත්තේ මහතා පවසයි.

මත්තල අන්තර්ජාතික ගුවන් තොටුපොළ කේ්න්ද්‍ර කරගනිමින් ක්‍රියාත්මක වීමට නියමිත ස්පාර්ක් එයාර් ගුවන් සේවය පවතින කොරෝනා වසංගතය හේතුවෙන් ආරම්භයේදී එයාර් බස් A-330 වර්ගයේ භාණ්ඩ ප්‍රවාහන ගුවන් යානා දෙකක් මගින් මෙහෙයුම් කටයුතු ආරම්භ කිරීමට නියමිතය.

මගීන් භාණ්ඩ සහ තැපැල් ප්‍රවාහන සේවා වෙනුවෙන් සිවිල් ගුවන් සේවා අධිකාරිය ස්පාර්ක් එයාර් සමාගමට බලපත්‍රයක් නිකුත් කර ඇති අතර කපිතාන්වරු වන රොබට් ස්පිටල්, රම්සි රහීම්, සමින් අත්තනායක, අෂාන් ද සිල්වා සහ සුරන්ජය ද සිල්වා යන අය සමාගම වෙනුවෙන් අන්තර්ජාතික නිත්‍ය ප්‍රවාහන මෙහෙයුම්වල යෙදීමට අවසර ලබා දී ඇත.  

ස්පාර්ක් එයාර් සමාගම මෙතෙක් අනාවරණය නොවූ පුද්ගලයකුගේ සෘජු ආයෝජනයක් ඔස්සේ ක්‍රියාත්මක අතර ඊට තවත් දේශීය සහ විදේශීය ආයෝජකයන් කිහිපදෙනකුගේ දායකත්වය හිමිවේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top