Oct 17, 2020

කොරෝනා 2වැනි රැල්ලලේ මුල සොයන්න CIDය දායි: ඕමාර්ට වැඩ වරදියි? Featured

ශ්‍රී ලංකාවේ කොරෝනා දෙවැනි රැල්ල ඇතිවීමට හේතුවන ආකාරයේ අපරාධමය වරදක් කිසියම් තැනැත්තකු හෝ සමාගමක් විසින් හෝ සිදුකර තිබේද යන්න ගැන ආරක්ෂක අංශ විසින් විශේෂ පරීක්ෂණයක් ආරම්භ කර ඇතැයි “දේශය” පුවත්පත වාර්තා කර තිබේ.

රජයේ විශේෂ තීරණයක් මත ඉහළම පෙළේ විශේෂ පරීක්ෂණ කණ්ඩායමක් විසින් මෙම පරීක්ෂණය සිදු කෙරේ.

අදාළ පරීක්ෂණයේදී කිසියම් තැනැත්තකු හෝ සමාගමක් අපරාධමය වරදක් සිදුකර තිබේ නම් එම තැනැත්තාගෙන් හෝ සමාගමෙන් සුදුසු වන්දියක් ලබාගැනීම ගැන ද රජයේ අවධානය යොමුව ඇතැයි එහි දැක්වේ.

මිනුවන්ගොඩ (බ්‍රැන්ඩික්ස්) කොරෝනා පොකුරෙන් මේ වන විට 1700කට ආසන්න ආසාදිතයන් සංඛ්‍යාවක් හඳුනාගෙන ඇත.

මෙම කොරෝනා පොකුර නිර්මාණය වීමට තුඩු දුන් හේතු හා පසුබිම ගැන රජයටත් ආරක්ෂක අංශවලටත් මේ වන විට බොහෝ තොරතුරු අනාවරණය වී ඇති බවද දේශය වාර්තා කර තිබේ.

ඒ අනුව මිනුවන්ගොඩ කොරෝනා පොකුර හදිසියේ මතුවීම පසුබිමේ යමකු හෝ යම් ආයතනයක් ශ්‍රී ලංකාවේ සම්මත නීතියට අනුව වරදක් සිදුකර ඇත්ද යන්න විමර්ශනය කිරීමට තීන්දු කර ඇති බවද පැවසේ.

කෙසේවුවද, දෙවැනි රැල්ලේ මුලින්ම හඳුනාගත් Covid-19 ආසාදිතයා වූයේ මිනුවන්ගොඩ බ්‍රැන්ඩික්ස් සමාගමේ සේවය කළ කාන්තාවකි.

ඇයට Covid-19 ආසාදනය වී ඇති බවට මුලින්ම හඳුනාගත්තද, එම දෙවැනි රැල්ලේ මූලාශ්‍රිතයා ඇය නොවන බව මේවන විට සෞඛ්‍ය අංශ තහවුරු කර තිබේ.

මේ වන විට දෙවැනි රැල්ලේ ආරම්භය සම්බන්ධයෙන් බ්‍රැන්ඩික්ස් සමාගමේ ප්‍රධානියාවන ඕමාර් අශ්රෆ්, හිටපු බැංකු සභාපතිවරයකුට හා හිටපු ගුවන් හමුදාපතිවරයකු ඇතුළු පිරිසකට චෝදනා එල්ලව තිබේ.

සබැඳි පුවත්
බ්‍රැන්ඩික්ස් ලොක්කා..කව්ද මේ ඔමාර්

 

 

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top