Pasidol
Sathosa Ad Final Sinhala
Feb 25, 2017

'බැදුම්කරය' - EPF අරමුදලේ පාඩුව රුපියල් බිලියන 8.5 යි. Featured

බැදුම්කර මිල දී ගැනීම සදහා සේවක අර්ථ සාධක අරමුදලේ අරමුදල් භාවිත කරමින් සිදු කල ජාවාරම හේතුවෙන් එම අරමුදලට රුපියල් බිලියන 8.5 ක පාඩුවක් සිදුව ඇතැයි ශ්‍රී ලංකා මහ බැංකුව විසින් සිදු කරන විමර්ශනයක මුලික අදියරේ දී හෙළිව ඇතැයි දුෂණ විරෝධී පෙරමුණ පවසයි.

රු. 70 ක මුදලකට පර්පචුවල් ට්‍රෙෂරීස් ආයතනය විසින් මිල දී ගත් බුදුම්කර රු. 85 ක මුදලකට ෆැන් ඒෂියා, ඩීඑෆ්සීසී සහ වෙල්ත් ට්‍රස්ට් යන වෙත විකුණා ඉන් පසුව එම ආයතන හරහා එම බැදුම්කර රු. 90 ක මුදලකට සේවක අර්ථසාධක අරමුදල වෙත අලෙවි කොට ඇත.

 අරමුදල රු. 90 ට බැදුම්කර මිල දී ගැනීමෙන් දිනකට පසුව නැවත බැදුම්කරයක මිල රු. 70 ක ස්ථාවර අගයකට පත් කොට ඇත. 

ඒ අනුව, අරමුදලට රු. 70 කට මහ බැංකුවෙන් මිල දී ගැනීමට හැකියාව තිබූ බැදුම්කරයක් රු. 90 කට අර්ජුන් ඇලෝසියස් ගේ සමාගම හරහා මිලදී ගැනීම මගින් එක් ඒකකයකින් රු. 20 පාඩුවක් සිදුව ඇත. 

එමගින් අරමුදල ලැබූ ඝෘජු පාඩුව රුපියල් බිලියන 8.5 කි. 

මෙම මුදලට අමතරව පොලී සහ වෙනත් වියදම් ලෙස තවත් රුපියල් කෝටි ගණනක පාඩුවක් මෙම ගණුදෙණුව නිසා අරමුදලට සිදුව ඇත.

වෘත්තීය සමිති නිහඬයි ?

පුද්ගලික අංශයේ සේවය කරන ලක්ෂ 65 ක සේවක පිරිසක් සතු සමාජ ආරක්ෂක භාරය සේවක අර්ථසාධක අරමුදල යි. 

බැදුම්කරය වංචාවට සම්බන්ධ පාර්ශවයන් සමග සෘජුව ගණුදෙනු කරන බැවින් වෘත්තීය සමිති ගණනාවක් තම සාමාජිකයින්ගේ අයිතිවාසිකම් පිළිබද හඩක් ඉදිරිපත් නොකර සිටිති. 

ලංකා ඉතිහාසයේ විශාලතම මුල්‍ය වංචාව බවට පත් බැදුම්කර මගඩිය සදහා විශාලතම ප්‍රතිපාදන සැපයීම සිදු කොට ඇත්තේ සේවක අර්ථසාධක අරමුදලයි.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top