Jan 09, 2021

බ්‍රැන්ඩික්ස් ලොක්කා එන්නත ගේන්න ඩොලර් කුට්ටියක් දෙන්න හදයි  Featured

මෙරට කොරෝනා දෙවැනි රැල්ල ආරම්භ වූ මිනුවන්ගොඩ බ්‍රැන්ඩික්ස් සමාගම් සමූහයේ සභාපති අශ්රොෆ් ඕමාර් මහතා ප්‍රමුඛ ව්‍යාපාර සමාගම් ප්‍රධානීන් කිහිපදෙනකු විසින් කොරෝනා රෝගය සඳහා එන්නත් මිලදී ගැනීමට ඇමෙරිකානු ඩොලර් මිලියන 50ක (රුපියල් මිලියන 6250) මුදලක් රජයට පරිත්‍යාග කිරීමට තීරණය කර ඇතැයි වාර්තා වේ.

රජයට අවශ්‍ය ඕනෑම මොහොතක එය සැපයිය හැකි බවත් එම මුදල උපයෝගී කරගෙන මෙරට වැඩකරන ජනතාවට එන්නත ලබාදෙන ලෙසත් අෂ්රොප් ඕමාර් මහතා රජයේ එන්නත්කරණ කමිටු සභාපති ජනාධිපති ජ්‍යෙෂ්ඨ උපදේශක ලලිත් වීරතුංග මහතාට දැනුම් දී ඇතැයි “දේශය" පුවත්පත කියයි.

අෂ්රොප් ඕමාර් මහතා සපයන ඩොලර් මිලියන 50 මෙරට සම්පූර්ණ එන්නත්කරණ වැඩසටහන සඳහා වැයකෙරෙන ඩොලර් මිලියන 200න් ¼කි. 

ඔහු සපයන ආධාරයද එන්නත් මිලට ගැනීම සඳහා උපයෝගී කරගැනීමට අපේක්ෂා කරන බවත්, එය රජයේ පොදු එන්නත්කරණ වැඩසටහන ක්‍රියාත්මක කිරීමට විශාල අනුග්‍රහයක් බවත් වීරතුංග මහතා එම පුවත්පතට පවසා තිබේ.
කෙසේවුවද, මේවන විට දෙවන කොරෝනා රැල්ල ආරම්භ වූ ආකාරය පිළිබඳව පරීක්ෂණයක් පැවැත්වෙන අතර, එහි ආරම්භය සිදුවූයේ බ්‍රැන්ඩික්ස් ආයතනයෙන් බවට චෝදනා එල්ලවී ඇත.

සබැඳි පුවත්

බ්‍රැන්ඩික්ස් කොවිඩ් පොකුර ගැන CIDයෙන් පරීක්ෂණයක්

බ්‍රැන්ඩික්ස් ලොක්කා..කව්ද මේ ඔමාර්

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top