Jan 25, 2021

පෙබරවාරි වනවිට තත්වය තවත් දරුණු වේවි, රෝහල් පිරීයාමට ආසන්නයි - GMOA Featured

රට පුරා තැනින් තැන මතුවන කොරෝනා පොකුරු සහ දිනපතා හමුවන ආසාදිතයන් ප්‍රමාණය සැලකිල්ලට ගත් කල පෙබරවාරි මස මැදභාගය වන විට කොරෝනා වසංගත තත්වය ඉතා දරුණු මට්ටමකට පත්වෙනු ඇති බව රජයේ වෛද්‍ය නිළධාරින්ගේ සංගමය සඳහන් කරයි.

බස්නාහිර පළාතේ කොරෝනා අවදානම යළි ඉහළ ගොස් ඇති බවද දිනක් තුළදී කොළඹ දිස්ත්‍රික්කයෙන් හඳුනාගත් වැඩිම කොරෝනා ආසාදිතයින් සංඛ්‍යාව (480 ක්) ඊයේ (24) දිනයේදී හඳුනා ගැනුණු බවද රජයේ වෛද්‍ය නිලධාරීන්ගේ සංගමයේ සංස්කාරක වෛද්‍ය හරිත අලුත්ගේ මහතා පවසයි.

මේ වනවිට කොරෝනා ආසාදිතයින් සඳහා රෝහල්වල වෙන්කර ඇති ඇඳන් සංඛ්‍යාව උපරිම මට්ටමට ළඟාවෙමින් පවතින බව වාර්තා පෙන්වන අතර පවතින තත්ත්වය හමුවේ උත්සව සඳහා සීමා පැනවීම ඇතුළු උපක්‍රමශීලි ක්‍රියාමාර්ගවලට යොමුවිය යුතු බව ඒම සංගමයේ සංස්කාරකවරයා වැඩිදුරටත් කියා සිටියි.

හිටපු ජාතික බැඩ්මින්ටන් ශූර නිලූක කරුණාරත්න හට කොරෝනා වෛරසය ආසාදනය වී ඇති බව වාර්තා වූ අතර ඔහු මීට පෙර කොරෝනා ආසාදිතයකු ලෙස හඳුනාගත් ක්‍රිකට් ක්‍රීඩක චාමික කරුණාරත්නගේ සොහොයුරා වේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top