Feb 23, 2021

මියන් කුමාර නඩුවේ කරුණු සළකා බැලීම, ලබන 05දා Featured

බෙල්ලන්විල රජමහා විහාරයේ වධ හිංසාවට ලක්වෙමින් සිටින බවට පැවසෙන මියන් කුමාර නැමැති ඇත් පැටවා මුදාහැරීමේ නියෝගයක් නිකුත් කරන ලෙස ඉල්ලා ගොනු කළ පෙත්සම සම්බන්ධයෙන් මාර්තු 05දා කරුණු සළකා බැලීමට අභියාචනාධිකරණය දින නියම කර තිබේ.

මෙම පෙත්සමේ වගඋත්තරකරුවන් ලෙස වනජීවී සංරක්ෂණ දෙපාර්තමේන්තුවේ අධ්‍යක්ෂ ජෙනරාල් චන්දන සූරියබණ්ඩාර, පොලිස්පති සී.ඩී වික්‍රමරත්න යන මහත්වරුන්ට සහ බෙල්ලන්විල රජමහා විහාරාධිපති පූජ්‍ය බෙල්ලන්විල ධම්මරතන හිමියන් නම් කර ඇත.

මොවුන්ට අධිකරණයේ පෙනී සිටින මෙන් ඊයේ (21) නොතීසි නිකුත් කරන ලෙසට ද නියෝග කෙරුණි.

මේ සම්බන්ධයෙන් මාධ්‍ය වෙත අදහස් දැක්වූ පෙත්සම්කරු නීතීඥ නාගානන්ද කොඩිතුවක්කු මහතා කියා සිටියේ බෙල්ලන්විල රජමහා විහාරයේ ස්වාමින් වහන්සේ හෝ පොලිස්පතිවරයා හෝ වනජීවී සංරක්ෂණ දෙපාර්තමේන්තුවේ අධ්‍යක්ෂ ජෙනරාල්වරයා අද දිනයේදී අධිකරණයට පැමිණ නොසිටි බවත්ය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top