Feb 23, 2021

උපුල් තරංග ජගත් ක්‍රිකට් පිටියට සමුදෙයි Featured

ශ්‍රී ලංකා ක්‍රිකට් කණ්ඩායමේ ආරම්භක පිතිකරුවෙකු ලෙස ක්‍රීඩා කළ උපුල් තරංග ජාත්‍යන්තර ක්‍රිකට් පිටියට සමුදීමට තීරණය කර ඇත.

ෆේස්බුක් ගිණුම ඔස්සේ සටහනක් තබමින් උපුල් තරංග විසින් සිය තීරණය ප්‍රකාශයට පත් කර තිබේ.

2005 වසරේ දෙසැම්බර් මාසයේ දී ජාත්‍යන්තර ටෙස්ට් වරම් හිමිකරගත් උපුල් තරංග 2017 වසර දක්වා ටෙස්ට් තරග 31කට සහභාගී වෙමින් ලකුණු 1,754ක් රැස්කර තිබේ.

ශ්‍රී ලංකා කණ්ඩායම නියෝජනය කරමින් 2005 වසරේ සිට 2019 වසර දක්වා එක්දින ජාත්‍යන්තර තරග 235කට සහභාගී වෙමින් ලකුණු 6,951ක් ලබාගෙන ඇති උපුල් තරංග සහභාගී වී ඇති විස්සයි 20 ජාත්‍යන්තර තරග සංඛ්‍යාව 26කි.

ශ්‍රී ලංකා කණ්ඩායම නියෝජනය කිරීමට ඔහුට අවසන් වරට අවස්ථාවක් හිමි වූයේ 2019 වසරේ මාර්තු මාසයේදීය. 

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top