Feb 26, 2021

චීන තානාපති කාර්යාලයෙන් කටුනායකට සෞඛ්‍ය උපකරණ පරිත්‍යාගයක්! Featured

කොරෝනා වසංගත රෝගී තත්වයෙන් ගුවන් තොටුපළ සේවකයින් ආරක්ෂා කර ගැනීම සදහා සෞඛ්‍යාරක්ෂිත උපකරණ තොගයක් අද (26) ශ්‍රී ලංකාවේ චීන තානාපති කාර්යාලය විසින් කටුනායක ගුවන් තොටුපළ වෙත පරිත්‍යාග කර තිබේ.

ශ්‍රී ලංකාවේ චීන තානාපති කාර්යාලයත්, සීමාසහිත ගුවන් තොටුපළ සහ ගුවන් සේවා සමාගමත් අතර දිගු කාළයක් තිස්සේ පවත්වා ගෙන එනු ලබන ඉහළ මිත්‍රශීලීභාවයත්, දිනෙන් දින වර්ධනය වන සහයෝගිතාවයත් මුල් කර ගනිමින් මෙම පරිත්‍යාගය සිදු කර ඇත.

ආරක්ෂිත ඇදුම් කට්ටල 270 ක්, පාවහන් ආවරණ පෙට්ටි 01 ක්, බැහැර ලිය හැකි මුහුණු ආවරණ 24,000 ක්, කේ.එන්.- 95 මුව ආවරණ 4,800 ක්, ආරක්ෂක ඇස් කණ්නාඩි 120 ක්, අත් ආවරණ 500 ක් සහ ජීවානුහරණ ලාම්පු උපකරණ 05 ක් එසේ ලබාදුන් පරිත්‍යාගයට අන්තරගතව තිබේ.

එම උපකරණ ප්‍රදානය සදහා ශ්‍රී ලංකාවේ චීන තානාපති කාර්යාලයේ දේශපාලන උපදේශක හූ වෙයි මහතා සහභාගී වූ අතර, ඒවා භාර ගැනීම සදහා සීමාසහිත ගුවන් තොටුපළ සහ ගුවන් සේවා සමාගමේ සභාපති විශ්‍රාමික මේජර් ජනරාල් ජී.ඒ.චන්ද්‍රසිරි මහතා සමග කටුනායක බණ්ඩාරනායක ජාත්‍යන්තර ගුවන් තොටුපළේ ජ්‍යෙෂ්ඨ කළමනාකරු වී.ඒ.ආර්.එස්.සෝවිස් මහතා විසින් සිදු කෙරුණි.

image 25e77f922f

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top