Mar 09, 2021

අඩුපහසුකම් මැද ඇලහැර ලෙදර් ක්‍රිකට් ගහන පැංචියෝ | ඡායා Featured

නපොළොන්නරුව දිස්ත්‍රික්කයේ ඇලහැර ජයසිරිපුර කනිෂ්ඨ විද්‍යාලයේ 8 වැනි ශ්‍රේණියේ ශිෂ්‍යාවන් එක්ව මෙවර අන්තර් පාසල් අවුරුදු 19න් පහළ කාන්තා ක්‍රිකට් තරගාවලිය සඳහා විදුහලෙන් කණ්ඩායමක් ලියාපදිංචි කර ඇත.

එහෙත් ක්‍රිකට් ක්‍රීඩාවට ඉතාමත් ලැදි හා උනන්දුවක් ඇති මොවුන්ට පුහුණුව සඳහා විදුහලේ කුඩා ක්‍රීඩා පිටියක් ඇතත් එහි ක්‍රිකට් පිච් එකක් හෝ මැටිමක් නොමැත.

ක්‍රිකට් ආම්පන්නද නොමැත. ඇත්තේ ප්‍රදේශයේ ක්‍රීඩා සමාජයකින් ණයට ඉල්ලා ගත් පමණට වඩා ලොකු උපකරණය.

ගරු සේවයක් ඉටු කරන ඔවුන්ගේ පුහුණුකරු විසින් ඒවා සොයා දී තිබේ.

පොළොන්නරුව දිස්ත්‍රික් ක්‍රිකට් සංගමයට දන්වා ඇතත් මේ දක්වා ප්‍රති චාරයක් ලැබී නොමැත.

ක්‍රීඩා රාජ්‍ය අමාත්‍යවරයා යටතේ පාසල් ක්‍රීඩාංගණ පිළිසකර දීම කර දෙන ව්‍යාපෘතිය යටතේ මෙම ක්‍රීඩා පිටියට ක්‍රිකට් පිච් එකක් ලබා දී එයට මැට්මක් හා ක්‍රිකට් ආම්පන්න ලබා දීමට පොළොන්නරුව දිස්ත්‍රික් ක්‍රිකට් සංගමය ක්‍රිකට් පාලක මණ්ඩලය හරහා වැඩ පිළිවෙලක් යොදන්නේ නම් අද හෙට ආරම්භ කෙරෙන පාසල් ක්‍රිකට් තරගාවලියට පොලොන්නරුවෙන් දක්ෂ කාන්තා කණ්ඩායමක් ඉදිරිපත් කෙරෙනු ඇත.

Alahara

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top