Apr 03, 2021

පොල්තෙල් වලින් පසු පොල් ගැනත් අනාවරණයක් Featured

විෂ පොල්තෙල් සම්බන්ධයෙන් රටපුරා දැඩි කතා බහක් මතුව ඇති සමයක මෙරට පොල් හිඟයට හා පොල්තෙල් නිෂ්පාදනයට සෘජු ලෙස බලපා ඇති ප්‍රධාන ගැටලුවක් පිළිබඳ සමස්ත ලංකා ගොවිජන සම්මේලනය සඳහන් කරයි.

පොල් ගස් මේ දක්වා ගස් හෙළීමේ පනතට ඇතුළත් කර නොමැති බව එම සම්මේලනයේ කැඳවුම්කරු නාමල් කරුණාරත්න මහතා පවසයි.

මෙරට පොල් අවශ්‍යතාව සම්පූර්ණ කිරීම සඳහා වසරකට අවශ්‍ය පොල් ගෙඩි ප්‍රමාණය මිලියන 3,700කි. මේ වනවිට මෙරට වාර්ෂික පොල් නිෂ්පාදනය මිලියන 2,400ත් 2,500ත් අතර අගයක් වාර්තා වේ.

මීට ප්‍රධාන හේතුව කිසිදු අවසරයක් නොමැතිව පොල් ගස් කපා දැමීම බවද මෙම ගැටලුව හේතුවෙන් පොල් මෙන්ම පොල් ආශ්‍රිත නිෂ්පාදනද මේ වනවිට ආනයනය කිරීමට සිදුව ඇති බව ඒ් මහතා වැඩිදුරටත් සඳහන් කරයි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top