Apr 08, 2021

දංකොටුවෙන් හමුවූ පොල් තෙල්වලත් පිළිකා කාරක බව තහවුරු වෙයි

දංකොටුව පොලිසිය පසුගිය දා පොලිස් භාරයට ගත් පිළිකා කාරක සහිත බවට සැක බවුසර් දෙකෙහි තිබූ පොල් තෙල්වල ඇෆ්ලටෝක්සින් අඩංගු යැයි තහවුරු වූ බව රේගුව සඳහන් කරයි.

ශ්‍රී ලංකා ප්‍රමිති ආයතනයට ලබා දුන් අදාළ පොල් තෙල් සාම්පලවල වාර්තා අනුව එම සාම්පලවල ඇෆ්ලටෝක්සින් අඩංගු බව සනාථ වී ඇති බව රේගු මාධ්‍ය ප්‍රකාශක, නියෝජ්‍ය රේගු අධ්‍යක්ෂ (නීති කටයුතු) සුදත්ත සිල්වා මහතා පවසයි.

ශ්‍රී ලංකා පොලීසිය විසින් එම බවුසර් සිය භාරයට ගෙන පසුව රේගුවට භාරදෙන ලදී.

මීට අමතරව, රජයේ රස පරීක්ෂකවරයාට සහ සෞඛ්‍ය අමාත්‍යංශයේ ආහාර පාලන ඒකකය වෙත ද පොල් තෙල් සාම්පල යොමු කළ අතර එම වාර්තා ද ලැබුණු පසු ඉදිරි පියවර ගැනීමට බලාපොරොත්තු වන බව රේගු මාධ්‍ය ප්‍රකාශකවරයා වැඩිදුරටත් සඳහන් කරයි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top