Jun 19, 2022

රජරට සරසවිය දෙසතියකට ඔන්ලයින් ක්‍රමයට යයි

රජරට විශ්වවිද්‍යාලයේ දේශන හෙට (20) සිට සති දෙකක් මාර්ගගත ක්‍රමය ඔස්සේ පැවැත්වීමට තීරණය කර තිබේ.

එම විශ්වවිද්‍යාලයේ උපකුලපති මහාචාර්ය සංජීවනී ගිනිගද්දර මහත්මිය පැවසුවේ,  වෙනසක් සිදු නොකර සියලු විභාග ඒ ආකාරයටම පවත්වාගෙන යාමට ද තීරණය කර ඇති බවයි.

මේ අතර ඉදිරි සතිය තුළ විශ්ව විද්‍යාල පැවැත්වීම සම්බන්ධයෙන් තීරණයක් ගැනිමේ බලය විශ්වවිද්‍යාල උපකුලපතිවරුන් වෙත ලබා දි ඇතැයි විශ්වවිද්‍යාල ප්‍රතිපාදන කොමිසම පවසා තිබේ.

පවතින තත්ත්වය හමුවේ පේරාදෙණිය විශ්ව විද්‍යාලයද වසාදමන බව එහි උපකුලපතිවරයා විසින් ඊයේ (18) නිවේදනය කර තිබුණි.

කෙසේවෙතත්, විශ්වවිද්‍යාල ආචාර්යවරුන්ගේ සමිති සම්මේලනය පවසා ඇත්තේ විශ්ව විද්‍යාල වැසීම පවතින තත්ත්වයට විසඳුමක් නොවන බවයි.

ඊයේ දිනයේදී මාධ්‍ය හමුවක් අමතමින් එම සම්මේලනයේ සභාපති මහාචාර්ය ශ්‍යාම බන්නැහැක මහතා රජයෙන් ඉල්ලා ඇත්තේ ආර්ථික හා දේශපාලන අර්බුදය හේතුවෙන් මේ රටේ දරුවන්ගේ අධ්‍යාපනය තවදුරටත් කඩාකප්පල් වීමට ඉඩ නොතබන ලෙසයි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top