Jun 06, 2017

කළු සල්ලි සුදු කිරීම : නාමල් අද මහාධිකරණය හමුවට

අයුතු ලෙස රුපියල් මිලියන තිහක මුදලක් උපයා ගැනීමෙන් මුදල් විශුද්ධීකරණ පනත යටතට නැ‍ඟෙන වැරැදි සිදු කළ බවට අධි චෝදනා ලැබ සිටින පාර්ලිමේන්තු මන්ත්‍රී නාමල් රාජපක්ෂ මහතා ඇතුළු විත්තිකරුවෝ පස්දෙනෙක් අද (06) කොළඹ මහාධිකරණය හමුවේ පෙනී සිටිති.

කොළඹ මහාධිකරණය මගින් නිකුත් කළ සිතාසි මත ඔවුන් එසේ අධිකරණය හමුවේ පෙනී සිටීමට නියමිතය.

පාර්ලිමේන්තු මන්ත්‍රී නාමල් රාජපක්ෂ මහතාට අයත් ගවර්ස් කෝපරේටට් සර්විස් සමාගම වෙනත් සමාගමක් සමඟ සිදුකළ ගනුදෙනුවකදී රුපියල් මිලියන 30ක මුදලක් අයුතු ලෙස උපයාගෙන ඇති බවට විත්තිකරුවනට එරෙහිව නීතිපතිවරයා අධි චෝදනා නගා ඇත.

නාමල් රාජපක්ෂ, සුජානි බෝගොල්ලාගම, මිත්‍යා සේනානි, ඉරේෂා සිල්වා හා ඉන්දික කරුණාජීව යන විත්තිකරුවනට එරෙහිව නීතිපතිවරයා මෙම නඩුවෙන් අධි ‍චෝදනා නගා ඇත.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top