OPEN

#

OPEN

#

Jun 27, 2017

''ආණ්ඩුව පෝයට අරක්කු විකුණන්න හදනවා'' - මහින්ද

වත්මන් ආණ්ඩුවට කිරි ගොවියන්ගේ ගැටලුව එතරම් ලොකු ගැටලුවක් නොවන්නේ පෝය දිනයටත් අරක්කු විකුණා ආර්ථිකය ශක්තිමක් කිරීමට සැලසුම් කරමින් සිටින නිසා බව හිටපු ජනාධිපති, කුරුණෑගල දිස්ත්‍රික් පාර්ලිමේන්තු මන්ත්‍රි මහින්ද රාජපක්ෂ මහතා පවසයි.

කිරි ගොවි කර්මාන්තයේ පවතින අර්බුද සම්බන්ධයෙන් වයඹ පළාත ඇතුළු පළාත් කිහිපයක කිරි ගොවි සංවිධාන නියෝජිතයන් සමඟ පැවැති සාකච්ඡාවකට එක් වෙමින් හිටපු ජනාධිපතිවරයා මේ අදහස් පළ කොට තිබේ.

"දැන් මෙයාලට තියෙන ප්‍රශ්නේ කිරි ගොවීන්ගේ ගැටලුවලට විසඳුම් හොයන එක නොවේ. දැන් තියෙන ප්‍රශ්නේ පෝය දවසට අරක්කු විකුණන්නේ කොහොමද කියන එක. මේ ආර්ථිකය ශක්තිමත් කරන්න නම් පෝය දවසට අරක්කු විකුණන්න ඕනෙලු.

මම දැක්කා එක ඇමැතිවරයෙක් කියනවා එදාට කොහොම හරි තැබෑරුම් ටික අරින්න කියලා. ජනතාවට කිරි ටික බොන්න දෙන්න බැරි ආණ්ඩුව අරක්කු ටික වෙලාවට දෙන්න තීන්දු කරලා ඉවරයි. පුළුවන් තරම් බීලා වැටිලා ඉඳපල්ලා ගෙවල්වලට වෙලා කටවල් අරින්නේ නැතුව" යැයිද හිටපු ජනාධිපතිවරයා තවදුරටත් පැවැසීය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top