Jul 15, 2017

චම්පික කුණු එකතු කරන්නන්ටත් දඩ ගහයි ! Featured

කොළඹ නගර සීමාව තුළ නියමිත වෙලාවට කුණු කසළ ඉවත් නොකරණ පවිත්‍රතා ආයතනවලට රුපියල් ලක්ෂයක දඩයක් නියම කිරීමට තීරණය කළ බව මහා නගර සහ බස්නාහිර සංවර්ධන අමාත්‍ය පාඨලි චම්පික රණවක මහතා කියයි.

ඒ මහතා මේ බව පවසා ඇත්තේ සතිඅන්ත පුවත්පතකටය.

දිනකට දෙවතාවක් කසල එක්රැස් කිරීම සිදුකළ බවත් එම අවස්ථා දෙක අතරතුර අදාළ තැන්වල කුණු ඉවත් නොකරන්නේ නම් ඔවුන්ට දඩ මුදල නියම කරන බවද හෙතෙම පවසා ඇත.

එම කටයුතු නිරීක්ෂණය කිරීම සඳහා යුද හමුදාව යෙදවීමටද තීරණය කර ඇතැයි පැවසේ.

දැනට කොළඹ නගර සීමාව තුළ කොළඹ නගර සභාව ඇතුළුව පවිත්‍රතා ආයතන තුනක් වැඩකටයුතු කරන බවත් ඉන් දෙකක් පෞද්ගලික ආයතන බවත් අමාත්‍යවරයා සඳහන් කර ඇත.

ඉඳුල් ගැනීමට දින තුනකුත්, ප්ලාස්ටික් සහ පොලිතීන් ගැනීමට එක් දිනයකුත්, සනීපාරක්ෂණ තුවා, පැම්පස් ගැනීමට එක් දිනයකුත් වශයෙන් කාලසටහන වෙන්කර ඇති බවද මේ අතර වාර්තාවේ.

එසේම එම එක්රැස්කිරීම් උදෑසන 4 සිට 6.30 දක්වාත් නැවත සවස 4 සිට 6.30 දක්වා සිදුකරන බව සඳහන් වෙයි.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top