Nov 11, 2017

ධර්මදාස වල්පොළ සලකුණු කැලණිය ප්‍රාදේශීය සභව මකයි !

මෙරටින් බිහිවූ ප්‍රවීන ගායකයකු වන ධර්මදාස වල්පොළ මහතාගේ සුප්‍රසිද්ධ ගීතයක් වන “අරලිය මල් අතු අඟ රැගුම්පානවා” ගීතය නිර්මාණය කිරීමට නිමිත්ත වූ අරලිය ගස කැළණිය ප්‍රාදේශීය සභාව විසින් කපා දමා තිබේ.

අදාළ ගස ඒ මහතා ගේ කැලණියේ පිහිටි නිවස ඉදිරිපිට පාරෙන් එහා පැත්තේ තිබූවකි.

සපරමාදු පෙදෙස කොන්ක්‍රීට් කිරීමට යාමේදී මේ ගස කපා දමා ඇත්තේ සපරමාදු කෙනෙකුගේ උවමනාවට බව ප්‍රදේශවාසීහු කියති.

එය වසර 100කට අධික කාලයක් පැවැති එකකි.

මෙය කපා දැමීමට පැමිණ සිටි පුද්ගලයාගෙන් අප කළ විමසීමකදී ඔහු කියා සිටියේ මහින්ද සපරමාදු නැමැත්තෙක් මේ ගස කැපීමට තමාට මුදල් දුන් බවත් තමා ප්‍රාදේශීය සභාවේ සේවකයකුද නොවන බවයි.

ධර්මදාස වල්පොළ සලකුණු කැලණිය ප්‍රාදේශීය සභාව මකයි from SRI LANKA MIRROR on Vimeo.

එම ගසෙහි ඇති ඓතිහාසික වැදගත්කම හේතුවෙන් සපරමාදු පෙදෙසේ අයිනක වූ මේ ගස කැලණිය ප්‍රාදේශීය සභාව පසුගිය කාලයේදී ආරක්ෂා කළ බවද පැවසේ.

මේවන විට කැලණිය ප්‍රාදේශීය සභාව පාලනය වන්නේ ලේකම්වරයකු වන කපිල කුමාර යටතේ වන අතර ඔහුට කැලණිය ගැන අවබොධයක් නොමැත්තෙකු බවද පැවසේ.

ඔහු හිටපු කායවර්ධන ශූරයෙකි.

මේ ගස කපාදමා ඇත්සතේ පරමාදු පෙදෙස නම් මාර්ගය ජනපතිවරයා විසින් ධර්මදාස වල්පොළ මාවත ලෙස නම් කිරීමට අදාළ අංශවෙත දන්වා තිබියදී වීමද විශේෂ සිද්ධියකි.

darmadasa 900px 3darmadasa A900px2darmadasa A 900px1

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top