Pasidol
Sathosa Ad Final Sinhala
Dec 04, 2016

මහින්ද 'ජාතික උවදුරක්' ගැන කියයි

ව්‍යවස්ථා සංශෝධනය සම්බන්ධයෙන් මීටත් වඩා වගකීමෙන් යුතුව කටයුතු කරන්නැයි හිටපු ජනාධිපති මහින්ද රාජපක්ෂ මහතා රජයෙන් ඉල්ලා සිටියි.

ඔහු මේ බව ප්‍රකාශ කළේ රටේ සියලු කලබල අස්සේ සිදු කෙරෙන ව්‍යවස්ථා සංශෝධන වැඩපිළිවෙළ යන නමින් නිවේදනයක් නිකුත් කරමිනි.

මැති ඇමතිවරුන්ට දිගින් දිගටම රථ වාහන, විශේෂ දීමනා, වරදාන ලබා දෙන ආකාරයෙන් පෙනෙන්නේ ළග එන බරපතල ජාතික උවදුරක පෙර නිමිති බව හිටපු ජනාධිපතිවරයා එම නිවේදනයෙන් කියා සිටියි.

විධායක ජනාධිපති ක්‍රමය අහෝසි කිරීම හා මැතිවරණ ක්‍රමය සංශෝධනය කිරීම යන ඉකුත් ජනාධිපතිවරණයේදි වත්මන් ආණ්ඩුව ලබා දුන් ප්‍රධාන පොරොන්දු කෙරෙහි ව්‍යවස්ථා සම්පාදක මණ්ඩලය විසින් පත්කරන ලද අනු කමිටු කිසිවක් අවධානය යොමු කර නොමැති බවත්, ඒ වෙනුවට ලැබි ඇත්තේ ඉකුත් ජනාධිපතිවරණයේදී අඩු වශයෙන් සඳහනක්වත් නොකෙරුණු කරුණු පිළිබඳ අනුකමිටු වාර්තා හයක් බව හිටපු ජනාධිපතිවරයා පවසයි.

රටට අතිශයින්ම හානිකර යෝජනා කිසිවක් අවසන් ව්‍යවස්ථා කෙටුම්පතට ඇතුළත් නොවනු ඇතැයි තමන් විශ්වාස කරන බවද මහින්ද රාජපක්ෂ මහතා වැඩිදුරටත් ප්‍රකාශ කරයි.


සම්පුර්ණ නිවේදනය පහත පළවේ.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top