Connect with us

පුවත්

පළමු බැඳුම්කර නඩුවෙන් අර්ජුන් මහේන්ද්‍රන් ඇතුළු විත්තිකරුවන් 10දෙනා නිදහස්

Published

on

හිටපු මහ බැංකු අධිපති, අර්ජුන් මහේන්ද්‍රන් මහතා ඇතුළු පළමුවන බැඳුම්කර නඩුවේ විත්තිකරුවන්ට එරෙහිව නීතිපතිවරයා විසින් ගොනුකර ඇති පොදු දේපොළ පනත යටතේ ගැනෙන චෝදනා ඉදිරියට පවත්වාගෙන යාමට නොහැකි බවට නිගමනය කළ කොළඹ විශේෂ ත්‍රිපුද්ගල මහාධිකරණ විනිසුරු මඩුල්ල, එම චෝදනාවලින් විත්තිකරුවන් 10 දෙනාව නිදහස් කිරීමට අද(11) නියෝග කළේ ය.
ඒ විනිසුරු මඩුල්ල තුනෙන් දෙකක බහුතර තීන්දුවකිනි.
චමත් මොරායස්, දමිත් තොටවත්ත සහ නාමල් බලල්ලේ යන විනිසුරු මඩුල්ල හමුවේදී අද නඩුව කැඳවිය.
එම නඩුවේ විත්තිකරුවකු ලෙස පර්පෙචුවෙල් ට්‍රේෂරීස් සමාගම ද නම් කර ඇති බවත්, භෞතික පුද්ගලයෙකු නොවන සමාගමකට පොදු දේපොළ පනත යටතේ චෝදනා ගොනු කිරීමේ නීතිමය හැකියාවක් නොමැති බවත්, විත්තිය වෙනුවෙන් පෙනී සිටි ජනාධිපති නීතීඥ, ගාමිණි මාරපන මහතා අධිකරණයට මූලික විරෝධතාවයක් ගොනුකර තිබුණි.
එම මූලික විරෝධතාවය අධිකරණය විසින් පිළිගැනීමෙන් අනතුරුව සෙසු විත්තිකරුවන් බහුතරයක් ද, එකී සමාගමේ අධ්‍යක්ෂකවරුන් වන බැවින් ඔවුනට එරෙහිව ද එකී චෝදනා පවත්වාගෙන යාමට නොහැකි බවට විත්තියෙන් විරෝධතා ඉදිරිපත් විය.
ඒ අනුව පොදු දේපොළ පනත යටතේ නැගෙන චෝදනා නොමැතිව, සෙසු චෝදනා සම්බන්ධයෙන් පූර්ව නඩු විභාග සම්මන්ත්‍රණය ලබන දෙසැම්බර් 16 වැනිදා පැවැත්වීමට ද විනිසුරු මඩුල්ල දින නියම කළේ ය.
2015 වසරේ පෙබරවාරි 27 වැනිදා පැවති බැඳුම්කර වෙන්දේසියේදී  රුපියල් මිලියන 688 ක පාඩුවක් රජයට සිදුකිරීම ඇතුළු අධිචෝදනා 23 ක් යටතේ එම නඩුව පවරා තිබිණි.
ලක්ෂ්මන් අර්ජුන් මහේන්ද්‍රන්, පත්තිනිගේ සමරසිරි, පර්පෙචුවෙල් සමාගම, අර්ජුන් ජෝෂප් ඇලෝසියස්, කසුන් පලිසේන, ජෙෆ්රි ජෝෂප් ඇලෝසියස්, පුෂ්ප චන්ද්‍ර ගුණවර්ධන, චිත්ත රන්ජන්, හුලුගල්ලේ මුත්තුරාජා සුරේන්ද්‍රන් සහ අජහාන් ගාර්ධිය පුංචිහේවා එම නඩුවේ විත්තිකරුවන් ලෙස නම් කර තිබේ.
(නිවුස්ෆස්ට්)

පුවත්

සාකච්ඡා අසාර්ථකයි. වර්ජනය තවදුරටත්

Published

on

By

විශ්වවිද්‍යාල අනධ්‍යයන කාර්ය මණ්ඩල ඒකාබද්ධ වෘත්තීය සමිතිය හා විශ්ව විද්‍යාල ප්‍රතිපාදන කොම්ෂන් සභාවේ සභාපති ජ්‍යෙෂ්ඨ මහාචාර්යය සම්පත් අමරතුංග මහතා අතර අද (18) පැවති සාකච්ඡාව විසඳුමකින් තොරව අවසන් වූ බව එම කමිටුවේ සභාපති ධම්මික එස් ප්‍රියන්ත මහතා පවසයි.

ප්‍රතිපාදන සභාවේ සභාපතිවරයා ලිඛිත විසඳුමක් ඒ සඳහා ලබාදීමට ඉල්ලා සිටියද මේ වන විට බලධාරීන් එවැනි විසඳුම් කෙරෙහි තමන්ට තිබූ විශ්වාසය පලුදු කර ඇති හෙයින් එවැන්නකට එකඟ නොවූ බව ඒ මහතා පැවසීය.

ඒ හේතුවෙන් දැනට දින 47ක් ගත වී ඇති තම වෘත්තීය ක්‍රියාමාර්ගය නිත්‍ය විසඳුමක් ලැබෙන තුරුම අඛණ්ඩව පවත්වාගෙන යාමට තීරණය කළ බවද සභාපතිවරයා විසින් පවසන ලදී.

මේ අතර ඇතැම් විශ්වවිද්‍යාලවල විභාග කටයුතු පැවැත්වෙන බවත් එලෙස කරන පිරිස් තම වෘත්තීය සමිති මෙහෙවන ශිෂ්ඨ සම්පන්න  ක්‍රියාවලියට බාධා කරන්නන් ලෙස හැඳින්විය හැකි බවද ඔහු වැඩිදුරටත් සඳහන් කලේය.

සබැඳි පුවත්:

අනධ්‍යයන සේවකයින් සහ විශ්වවිද්‍යාල ප්‍රතිපාදන කොමිෂන් සභාව අතර සාකච්ඡාවක්

Continue Reading

පුවත්

“මගේ ප්‍රජා අයිතිය ගැන දැන් සජබෙන් කතාවක් නැහැ”

Published

on

By

හිටපු රාජ්‍ය අමාත්‍ය රංජන් රාමනායක මහතා, හරීන් ප්‍රනාන්දු අමාත්‍යවරයා විසින් සංවිධානය කර තිබුණු රැස්වීමකට සහභාගී වීමේ පුවතක් ‘ඩේලිමිරර්’ පුවත්පත ඊයේ (17) වාර්තා කර තිබේ.

මේ සම්බන්ධයෙන් ඩේලි මිරර් පුවත්පත කළ විමසීමක දී රංජන් රාමනායක මහතා පවසා ඇත්තේ, තමන් ඊට සහභාගී වූයේ ගායකයෙකු ලෙස බවයි.

තමන් වෘත්තීය ගායකයෙකු බව පවසා ඇති රංජන් රාමනායක මහතා, ඒ අනුව, ඕනෑම දේශපාලන පක්ෂයක් තමන්ට ගායකයෙකු ලෙස ආරාධනා කළහොත් තමන් ඒ ආරාධනය භාරගන්නා බවද සඳහන් කර තිබේ.

ඔහු මෙහිදී පවසා ඇත්තේ, අධිකරණය මගින් ප්‍රජා අයිතිවාසිකම් අහිමි කර තිබීම හේතුවෙන් දේශපාලනයේ නිරත වීමට අවකාශ නැති බවත්, තමාට වර්තමානයේ කළ හැක්කේ ගායනය සහ රංගනය පමණක් බවය.

තමන්ට යළි ප්‍රජා අයිතිවාසිකම් දිනා දීමට කටයුතු කරන බව පැවසූ සමගි ජන බලවේගයද දැන් ඒ පිළිබදව අමතක කර දමා ඇතැයිද රන්ජන් රාමානයක ඩේලි මිරර් පුවත්පත සමග පවසා ඇත.

Continue Reading

පුවත්

ජපානයේ “මස් කන” බැක්ටීරියාවක් පැතිරයයි

Published

on

By

මාංශ පේශි විනාශ කරන බැක්ටීරියාවක් මේ වන විට ජපානයේ ශීඝ්‍රයෙන් පැතිරයන බව එරට සෞඛ්‍ය අංශ පවසයි.

මෙම “මස් කන” බැක්ටීරියාව හේතුවෙන් මේ වනවිට විශාල පිරිසක් මරණයට පත්වී ඇති බව වාර්තා වෙයි.

නමුත් මෙම රෝගී තත්ත්වය පැතිර යන හේතුව කුමක්ද යන්න සම්බන්ධයෙන් එරට සෞඛ්‍ය අංශ වික්ෂිප්ත වී සිටියි.

2024 ජනවාරි සිට ජූනි මාසය ආරම්භ වනවිට එවැනි රෝගීන් 2,977ක් වාර්තා වී ඇති අතර ඉන් 77 දෙනෙක් මියගොස් තිබේ.

පසුගිය වසරේදී ද එවැනි රෝගීන් 941ක් වාර්තා විය.

Continue Reading

Trending

Copyright © 2023 Sri Lanka Mirror. All Rights Reserved