පුවත්
HMPV අලුත් වෛරසයක් නොවෙයි, චීනයේ හදිසි තත්ත්වයක් ප්‍රකාශ කර නෑ – මහාචාර්ය චන්දිම ජීවන්දර
හියුමන් මෙටානියුමෝනියා නොහොත් HMPV වෛරසය බිය වියයුතු කරුණක් නොවන බව ශ්‍රී ජයවර්ධනපුර විශ්වවිද්‍යාලයේ ආසාත්මිකතා, ප්‍රතිශක්තිවේද සහ සෛල ජෛව විද්‍යා අංශයේ අධ්‍යක්ෂ, මහාචාර්ය චන්දිම ජීවන්දර මහතා පවසයි.
සිය ‘X’ ගිණුමේ සටහනක් තබමින් ඔහු පවසන්නේ, ශ්වසන ආසාදන ශීත ඍතුවේ දී බහුලව දක්නට ලැබෙන්නක් බවත් එය කලබල වීමට කරුණක් නොවන බවත්ය.
කෙසේවෙතත්, HMPV වෛරසය ළමයින්ට, වැඩිහිටියන්ට සහ දුර්වල ප්‍රතිශක්තිකරණයක් ඇති අයට බරපතල විය හැකි බව ඔහු අනතුරු අඟවයි. කෙසේ නමුත්, මෙම HMPV වෛරස තත්ත්වය සාමාන්‍යයෙන් සතියක් ඇතුළත පහව යන බව හෙතෙම පවසයි.
2001දී සොයාගනු ලැබූ HMPV වෛරසය, අලුත් වෛරසයක් නොවන බවත්, සාමාන්‍යයෙන් සෙම්ප්‍රතිශ්‍යාව හෝ උණ වැනි රෝග ලක්ෂණ සහිත ශ්වසන ආසාදන ඇති කරන බවත් මහාචාර්ය ජීවන්දර මහතා පවසයි.
මෙය අර්බුදයක් බව ඇතැම් සමාජ මාධ්‍ය විසින් වාර්තා කර තිබුණද, මේ දක්වා චීන බලධාරීන් හෝ ලෝක සෞඛ්‍ය සංවිධානය විසින් මේ සම්බන්ධයෙන් හදිසි තත්ත්වයක් ප්‍රකාශ කර නැති බවද ඔහු පෙන්වා දෙයි.
කොවිඩ් සමයේ හුදකලාවීම් වලට පසුව මිනිසුන් යළිත් පොදු රෝග කාරක වලට හුරු වෙමින් පවතින විටදී ඍතුමය ලෙස ආසාදිතයන් සංඛ්‍යාවේ වැඩිවීම් බලාපොරොත්තු විය හැකි බව ඔහු කියා සිටියි.
ටෙහෙරාන් හි ශ්‍රී ලංකා තානාපති කාර්යාලය ඉවත් කර ගනියි
තෙල් හිඟයක අවදානමක් නෑ – නලින්ද
පාර්ලිමේන්තුවේ අභ්‍යන්තර කටයුතු ඒකකයක්
-
පුවත්5 days agoශ්රේෂ්ඨාධිකරණ විනිසුරු තනතුර පුරප්පාඩු වෙන්න කලින්ම විනිසුරු ලෆාර්ගේ නම ජනපති ව්යවස්ථා සභාවට යවලා
-
පුවත්1 week ago“ජනාධිපතිතුමනි, අපි මාතරින් කට්ටඩියෝ බුක් කරලා තියෙන්නේ” (වීඩියෝ)
-
පුවත්1 week agoරවී කුමුදේශ් ගේ වැඩ තහනම්
-
පුවත්7 days agoහිටපු බන්ධනාගාර කොමසාරිස් රෝහලට, කොමසාරිස් මෙහෙයුම් ගාමිණී CIDයට
-
පුවත්2 days agoකොළඹ නගරාධිපති පුටුව මාලිමාවට (UPDATE)