Connect with us

පුවත්

Onmax DT වංචාව ගැන ජනපතිට රහස් ලිපියක්; ඇමති පුතෙකුටත් චෝදනා!

Published

on

ඔන්මැක්ස් ඩීටී (Onmax DT) පිරමීඩ වංචාව යට ගැසීමට අපරාධ පරීක්ෂණ දෙපාර්තමේන්තුවට හා මහ බැංකුවට රුපියල් ලක්ෂ 50ක මුදලක් ලබාදී ඇති බව කියමින් ජනපතිවරයාට නුවර ප්‍රදේශයේ පුද්ගලයකු පැමිණිලි කර ඇතැයි වාර්තා වේ.

මහනුවර යටිනුවර පදිංචිකරුවකු වන ඊ.ජී. පෙරේරා නැමැත්තෙකු විසින් අදාල ලිපිය ජනපතිවරයාට යොමුකර  තිබේ.

ඊට අමතර අදාළ ලිපියේ පිටපත්, ජනපතිවරයා මගින් මහ බැංකු අධිපති, නීතිපතිතුමා, අපරාධ පරීක්ෂණ දෙපාර්තමේන්තුවේ නියෝජ්‍ය පොලිස්පතිවරයා වෙත ද යොමුකරණ මෙන් ඉල්ලා ඇත.

එම ලිපියේ වැඩිදුරටත් දැක්වෙන්නේ අදාළ මුදල් මහනුවර කසුන් නැමැත්තෙකු විසින් රාජගිරිය ප්‍රදේශයේ ප්‍රියන්ත බොතේජු නම් පුද්ගලයකු හරහා අපරාධ පරීක්ෂණ දෙපාර්තමේන්තුවට හා මහ බැංකුවට ලබාදී ඇති බවයි.

එසේම ඔන්මැක්ස් ඩීටී (Onmax DT) පෞද්ගලික සමාගමේ අධ්‍යක්ෂවරයකු වන සාරංග රන්දික ජයතිස්ස සහ තවත් අධ්‍යක්ෂවරු දෙදෙනකු වෙනුවෙන් රුපියල් කෝටි 6ක මුදලක් අමාත්‍යවරයකුගේ පුත්‍රයකුට ලබාදී ඇති බවට ද චෝදනාවක් එල්ල කර ඇත.

ප්‍රියන්ත ‌බොතේජු නැමැත්තා සම්බන්ධයෙන් තොරතුරු ඔන්මැක්ස් ඩීටී (Onmax DT) පෞද්ගලික සමාගමේ අධ්‍යක්ෂවරයකු වන සාරංග රන්දික ජයතිස්සගෙන් ලබා ගැනීමට හැකියාව ඇති බවද ඔහු සිය ලිපියෙන් පෙන්වා දී තිබේ.

අදාළ සමාගමේ අධ්‍යක්ෂවරයකු මේවන විටත් රට හැර ගොස් ඇති බවද පෙරේරා මහතා සිය ලිපියෙන් හෙළිකර ඇත.

මේ අතර, කෝටි 3200ක පමණ වංචාවක් සිදු කළ බව කියන ඔන්මැක්ස් ඩීටී (Onmax DT) පෞද්ගලික සමාගමේ අධ්‍යක්ෂවරුන් වන කහඳව ආරච්චිලාගේ අතුල ඉන්දික සම්පත්, සිංහල පේඩිගේ ගයාශාන් අබේරත්න, ලේන්දූවගේ සම්පත් සඳරුවන්, ගලබඩ විධාන ආරච්චිලාගේ සාරංග රන්දික ජයතිස්ස හා මල්ලව අප්පුහාමිලාගේ ධනංජය ජයාන් යන පුද්ගලයන් අත්අඩංගුවට නොගන්නේ මන්දැයි යන කුකුස සම්බන්ධයෙන්ද ඔහු විමසීමක් කර තිබේ.

ඔන්මැක්ස් ජාවාරමේ ඇමතිලා ඇති බව ඩයනා පාර්ලිමේන්තුවට කියයි

ඔන්මැක්ස් නැමැති  පිරමීඩ ජාවාරමට සම්බන්ධ පාර්ලිමේන්තු මන්ත්‍රීවරුන් ද සිටින බව සංචාරක රාජ්‍ය අමාත්‍ය  ඩයනා ගමගේ මහත්මිය පාර්ලිමේන්තුවේ දී අද (20) පැවැසුවාය.

මෙහි කෝටි 300ක ගිණුම් මේ වන විටත් නතර කර තිබෙන අතර එම පිරමීඩ ජාවාරම හරහා කෝටි තුන්දාහක් මේ වන විටත් රටෙන් පිට කොට තිබෙන බව රාජ්‍ය අමාත්‍යවරිය කීවාය.

මේ ගැන රහස් පොලිසියේ  සහ නීතිපති දෙපාර්තුමේන්තුවේ බොහෝ මන්දගාමීව සොයා බැලීමක් වෙලා තිබෙන බවද ඔන්මැක්ස් නමැති ආයතනය  තහනම් කළ පසුවත් කෝටි 292 ක් මේ වන විටත් ජනතාවගෙන් එකතු කරගෙන තිබෙන බව රාජ්‍ය අමාත්‍යවරිය කියා සිටියාය.

අදාළ සම්පූර්ණ ලිපිය පහත දැක්වේ.

සබැඳි පුවත්:

Onmax DT ටීම් එක එළියේ ඉන්න ඩීල් එක; සල්ලි ජෝර්ජියාවේ ගිනුමකට මාරුකරලා

ඔන්මැක්ස් ලොක්කෝ කෝටි 80ක් බෙදාගෙන – CIDය අධිකරණයට දන්වයි!

නාමල්ගේ කී Onmax DT ඇතුළු පිරමීඩ ජාවාරම් 3කට අපරාධ නඩු!

මහ බැංකු පිරමීඩ නීති හා සෙල්ලම්කරණ මේ අප්පුහාමිලා කවුද?

පිරමීඩ ජාවාරමකට හසුවූ ගුරුවරයෙක් සියදිවි නසාගෙන

රනිල්, සජිත් ගිය උත්සවයේ මූල්‍ය දායකත්වය දී ඇත්තේ පිරමීඩ සම්පත්ලායි!

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved