Connect with us

පුවත්

තුන්වැනි පාරටත් ගොඩගත් සාරා හඳුනාගන්න බැරිවෙන ලකුණු!

Published

on

පාස්කු ඉරිදා ප්‍රහාරයේ ආන්දෝලනයක් ඇති කළ පුලස්තිනි මහේන්ද්‍රන් හෙවත් සාරා ජෙස්මින් සයින්දමරුදු ප්‍රහාරයෙන් මියගියාද නැද්ද යන්න තහවුරු කිරීමට තුන්වැනි වතාවටත් ගොඩගත් සිරුරු කොටස්වල ඩී.එන්.ඒ. පරීක්ෂාව කිරීමට රජයේ රස පරීක්ෂක දෙපාර්තමේන්තුවට අවශ්‍ය රසායනික ද්‍රව්‍ය නොමැති බව පොලිස් දෙපාර්තමේන්තුවට දන්වා ඇතැයි වාර්තා වේ.

ඔක්තෝබර් අවසන් සතිය වනතුරු එම රසායනික ද්‍රව්‍ය මෙරටට ගෙන ඒමට ඉඩ නැතැයි රජයේ රස පරීක්ෂකවරයා පොලිස්පති චන්දන වික්‍රමරත්න මහතාට දැනුම් දී ඇතැයි පැවසේ.

පාස්කු ඉරිදා ප්‍රහාරයේ මරාගෙන මැරෙන ප්‍රහාරකයකුගේ බිරිඳ වූ සාරා හස්තුන් එම ප්‍රහාරයෙන් පසු ඉන්දියාවට පැනගිය බවට පාස්කු ඉරිදා ජනපති කොමිසමේ නිලධාරීන් ඉදිරිපත් කළ සාක්ෂියක් මත ආන්දෝලනයක් ඇති විය.

සාරා හස්තුන් ඇතුළු දහඅටදෙනකු සයින්දමරුදුවලදී පුපුරුවාගත් බවට තොරතුරු තිබියදී ජනපති කොමිසමේ විමර්ශන මගහරිමින් අසත්‍ය තොරතුරු දුන් සහකාර පොලිස් අධිකාරිවරයෙක් රටෙන් පැනගොස් තිබිණි.

මෙම සිදුවීම් මැද තුන්වැනි වතාවටත් සාරා හස්තුන් මියගියද යන්න තහවුරු කර ගැනීම සඳහා මලසිරුරු කොටස් ඉකුත් අප්‍රේල් 27 වැනිදා ගොඩගනු ලැබුවේ ඩී.එන්.ඒ. පරීක්ෂාවක් සඳහාය.

පුවත්

කළකිරුණු මාන්නප්පෙරුම සජිත්ව දාලා යයි

Published

on

By

සමගි ජන බලවේගයේ ගම්පහ දිස්ත්‍රික් නාමයෝජනා ලැයිස්තුවේ සිය නම ඇතුළත්ව තිබුණත් තමා මෙවර මහ මැතිවරණයට තරග නොකරන බව එම පක්ෂයේ හිටපු පාර්ලිමේන්තු මන්ත්‍රී අජිත් මාන්නප්පෙරුම මහතා පැවසුවේය.

ප්‍රවෘත්ති සාකච්ඡාවක් පවත්වමින් ඔහු පවසා සිටියේ, ගම්පහ දිස්ත්‍රික් සංවිධායක ධුරයෙන් තමා ඉවත් කිරීම හේතුවෙන් මෙම තීරණය ගත් බවය.

එහිදී වැඩිදුරටත් අදහස් දැක්වූ ඔහු කියා සිටියේ,

“මම මෙවර මැතිවරණයේදී සමගි ජන බලවේගයේ ගම්පහ දිස්ත්‍රික්කයේ අපේක්ෂක ලැයිස්තුවේ ඉන්න අපේක්ෂකයෙක්. ඒ වගේම ගම්පහ ආසනයේ අවුරුදු 20ක සිට සංවිධායකවරයා ලෙස කටයුතු කරන්නේ. නමුත් මම මෙවර අපේක්ෂකයෙකු ලෙස සමගි ජන බලවේගයෙන් නාමයෝජනා ඉදිරිපත් කළත්, මම ඡන්දය ඉල්ලීමෙන් වැළකී සිටීමටයි අදහස් කළේ.

මම විශේෂයෙන්ම කියනවා සමගි ජන බලවේගය සමග තවදුරටත් ක්‍රියාකරන්න අකමැති නිසා ඒ ඡන්දය මම වෙනුවෙන් පාවිච්චික කරන්න එපා කියලා මම ඉල්ලනවා. මොකද සජිත් ප්‍රේමදාස අපේ පක්ෂයේ නායකයා ගැන දැඩිලෙස කලකිරිලා කථාකරන්නේ. මට නොමිනේෂන් අත්සන්කරලා පැය 24ක් යනකොට ගම්පහ ආසනයේ මගේ ආසන සංවිධායක ධුරය ක්සත් ජාතික පක්ෂය වෙනුවෙන් රනිල් වික්‍රමසිංහට වැඩකරපු පුද්ගලයෙකුට මට හොරෙන් ලබා දීලා. එය මම දැඩි ලෙස කලකිරීමට හේතු වුණා.

Continue Reading

පුවත්

රාජිතට සහ විදුරට විරෝධයක්

Published

on

By

හිටපු පාර්ලිමේන්තු මන්ත්‍රීවරැන් වන රාජිත සේනාරත්න හා විදුර වික්‍රමනාය​ක යන මහත්වරුන්ට කළුතර දිස්ත‍්‍රික් මැතිවරණ කාර්යාලය අසලදී පුද්ගලයෙකු විසින් දැඩි විරෝධයක් පළ කර තිබේ.

ගෑස් සිලින්ඩරය ලකුණ යටතේ මෙවර නාම යෝජනා ලබාදීමට පොරොන්දු වී අපේක්ෂකත්වය ලබා නොදුන්  පුද්ගලයෙකුගෙන් මෙලෙස විරෝධය එල්ල වී ඇති බව සඳහන්ය.

රාජිත සේනාරත්න හා විදුර වික්‍රමනාය​ක යන අය එකතු වී තමාගේ නම කපා හැරීමට කටයුතු කළ බවට චෝදනා කරමින් ඔහු එහිදී බැන වැදී තිබුණි.

කළුතර දිස්ත්‍රික්කය සඳහා දේශපාලන පක්ෂ ඇතුළු ස්වාධීන කණ්ඩායම් ඊයේ (11) නාම යෝජනා භාර දුන් අතර නව ප්‍රජාතන්ත්‍රවාදී පෙරමුණ යටතේ ගෑස් සිලින්ඩරය ලකුණින් නාම යෝජනා ලයිස්තුව භාර දීම කණ්ඩායම් නායක රාජිත සේනාරත්නගේ ප්‍රධානත්වයෙන් සිදු කෙරුණි.

Continue Reading

පුවත්

DJ එකක් නිසා පුද්ගලයෙකුට දිවි අහිමි වෙයි

Published

on

By

අඟුලාන පොලිස් වසමේ සයුරුපුර මහල් නිවාස සංකීර්ණ ප්‍රජා ශාලාවේ පැවති විවාහ මංගල උත්වයකදී ඊයේ (11) රාත්‍රී කාලයේදී පුද්ගලයින් දෙදෙනෙකු අතර ඇති වූ බහින් බස් වීමක් දුරදිග යාම හේතුවෙන් එක් පුද්ගලයෙකු විසින් අනෙක් පුද්ගලයාට පහරදී තිබේ.

අඟුලාන පොලිසිය සඳහන් කරන්නේ, එම පහරදීමෙන් තුවාල ලබා ලුනාව රෝහලට ඇතුළත් කිරීමේදී එක් පුද්ගලයෙක් මිය ගොස් ඇති බවය.

මරණකරු වයස අවුරුදු 52ක් වූ අඟුලාන ප්‍රදේශයේ පදිංචිකරුවෙකි.

මරණකරු මංගල උත්සවයේ පැවති ඩී.ජේ සංදර්ශනයක් අතරතුර ශබ්ද විකාශන යන්ත්‍රයක ශබ්දය අඩු කරන ලෙස පවසන අවස්ථාවේ ඇති වූ බහින් බස් වීමක් මත මෙම පහරදීම සිදු කර ඇති බවටයි දැනට සිදු කල විමර්ශනයේදී අනාවරණය වී ඇත.

සිද්ධියෙන් පසු සැකකරු පලාගොස් ඇති අතර අඟුලාන පොලිසිය වැඩිදුර විමර්ශන සිදු කරනු ලබයි.

Continue Reading

Trending

Copyright © 2023 Sri Lanka Mirror. All Rights Reserved