Connect with us

ඡායාරූප සටහන

චීනයෙන් මෙරට සිසු සිසුවියන් 12,000කට පාසැල් උපකරණ හා නිල ඇඳුම් රෙදි (ඡායා)

Published

on

චීනයේ විදේශ කටයුතු අමාත්‍යංශය විසින් ප්‍රදානය කරන ලද ලිපිද්‍රව්‍ය සහ අනෙකුත් පාසැල් උපකරණ සහිත පාසල් බෑග් මෙන්ම පාසල් නිල ඇඳුම් රෙදි මීටර් 43,000ක් මෙරට සිසු සිසුවියන් 12,000ක් අතර බෙදාහැරීමේ උත්සවයක් අද (25) පැවැත්වුණි.

හංවැල්ල රාජසිංහ මධ්‍ය විද්‍යාලයේ අද පෙරවරුවේ පැවති “සීතාවක – සිසු ඇරුණලු”  නම් මෙම වැඩසටහනට ජනාධිපති රනිල් වික්‍රමසිංහ මහතා, අග්‍රාමාත්‍ය දිනේෂ් ගුණවර්ධන මහතා හා ශ්‍රී ලංකාවේ සිටින චීන තානාපති – චී ජන්හොං මහතා, අධිකරණ අමාත්‍ය ආචාර්ය විජේදාස රාජපක්ෂ, මහජන ආරක්ෂක අමාත්‍ය ටිරාන් අලස්, පාර්ලිමේන්තු මන්ත්‍රීවරුන් වන ජගත් කුමාර, යදාමිණී ගුණවර්ධන, බස්නාහිර පළාත් ආණ්ඩුකාර මාර්ෂල් ඔෆ් ද එයා ෆෝස් රොෂාන් ගුණතිලක, රාජසිංහ මධ්‍ය විද්‍යාලයේ විදුහල්පති  ජගත් සූරසේන යන මහත්වරු සහ ගුරුවරුන්, දෙමාපියන්, සිසු දරුවන් ඇතුළු පිරිසක් එක්ව සිටියහ.

පාසල් උපකරණ සහ නිල ඇඳුම් බෙදාදීම සංකේතවත් කරමින් සිසු දරු දැරියන් කිහිප දෙනෙකු වෙත පාසල් උපකරණ පිළිගැන්විම ජනාධිපතිවරයා අතින් සිදු විය. 

සීතාවක ඓතිහාසිකත්වය පිළිඹිඹු කෙරෙන කෞතුකාගරයක්

මෙහිදී අදහස් දැක්වූ ජනාධිපති රනිල් වික්‍රමසිංහ මහතා පවසා සිටියේ සීතාවක රාජධානියේ ඓතිහාසිකත්වය ඉස්මතු කරමින් එහි පුරාවිද්‍යාත්මක වටිනාකම් ගවේෂණය කිරීමට පුරාවිද්‍යා දෙපාර්තමේන්තුවට තමා උපදෙස් දි ඇති බවත් සීතාවක ඓතිහාසිකත්වය පිළිඹිඹු කෙරෙන කෞතුකාගරයක් ඉදිකිරීමට තමන් අදහස් කරන බවත්යි.

“පසුගිය වසරේ රට මුහුණ දී තිබූ ආර්ථික අභියෝගය නිසා  අධ්‍යාපනය සහ සෞඛ්‍ය වෙනුවෙන් විශාල මුදලක් වෙන් කර ගැනීමට හැකියාවක් තිබුණේ නැහැ.  නමුත් ලබන වසරේ සිට අධ්‍යාපනයට සහ සෞඛ්‍යයට වැඩි මුදලක් වෙන්කිරීමට ආණ්ඩුවක් හැටියට අප සැලසුම් කර තිබෙනවා. අ.පො.ස සාමාන්‍ය පෙළ සහ උසස් පෙළ පිළිබඳව කතා කිරීමේ දී පාසල් අධ්‍යාපන ක්‍රමයත්, ටියුෂන් අධ්‍යාපන ක්‍රමයත් ක්‍රියාත්මක වෙනවා. මෙහිදී රජය වියදම් කරන මුදල වගේම මුදලක්  දෙමාපියන්ට ද දරුවන්ගේ අධ්‍යාපනය වෙනුවෙන් වියදම් වෙනවා.  මේ පිළිබඳ සොයා බලා නව අධ්‍යාපන ක්‍රමවේදයක් සකස් කිරීමට අප බලාපොරොත්තු වෙනවා. එහිදී අධ්‍යාපනඥයින්ගේ සහ සිසුන්ගේ අදහස් ලබා ගැනීමට ද කටයුතු කරනවා,” යැයිද ජනපතිවරයා වැඩිදුරටත් පැවසීය.

“අධ්‍යාපනය, රටේ හොඳම ආයෝජනයයි”

මෙම අවස්ථාවේදී අදහස් දැක්වූ අගමැති – දිනේෂ් ගුණවර්ධන මහතා පවසා සිටියේ අධ්‍යාපනය යනු රටේ හොඳම ආයෝජනය බවයි. 

“ඒ සදහා ආණ්ඩුව සෑමවිටම කැපවී කටයුතු කරනවා. අද මේ සිදු කරන්නෙ චීන රජය ලබා දී තිබෙන පාසල් උපකරණ කට්ටල බෙදාදීමයි. ඒ සඳහා ජනාධිපතිවරයා පැමිණීම අගය කොට සලකනවා,” යැයි අගමැතිවරයා වැඩිදුරටත් පැවසීය.

දිළිඳුබවේ හා සංවර්ධනය නොවීමේ උගුල් වලින් මිදෙන්න චීන සහය

එහිදී අදහස් දැක්වූ කොළඹ චීන තානාපති – චී ජන්හොං මහතා ප්‍රකාශ කළේ, “තිරසාර සංවර්ධනයක් ළඟා කර ගැනීමට, “දිළිඳුබවේ උගුලෙන්” සහ “සංවර්ධනය නොවීමේ උගුලෙන්” මිදීමට මෙන්ම ශ්‍රී ලංකාවේ ස්වාධීනත්වය, ස්වෛරීභාවය, භෞමික අඛණ්ඩතාව සහ ජාතික අභිමානය සුරක්ෂිත කිරීමට චීනය දැඩිව සහය දෙන බවයි.

“ශ්‍රී ලාංකික ජනතාව මේ වන විට තාවකාලික දුෂ්කරතාවකට මුහුණ දී සිටිනවා. නමුත් ජනාධිපති රනිල් වික්‍රමසිංහ මැතිතුමාගේ සහ අගමැති දිනේෂ් ගුණවර්ධන මැතිතුමාගේ නායකත්වය යටතේ එම සියලු අභියෝග ජයගෙන රටේ ජනතාවට හොඳ අනාගතයක් ගොඩනඟා දීමට හැකිවනු ඇතැයි විශ්වාස කරනවා,” යැයිද තානාපතිවරයා වැඩිදුරටත් පැවසීය.

ඡායාරූප සටහන

තරුණ තරුණියන්ට ජනපතිගෙන් පොරොන්දුවක්

Published

on

By

මෙම වසර තුළ රට බංකොලොත්භාවයෙන් මුදවා ගැනීමෙන් අනතුරුව රැකියා විරහිත තරුණ තරුණියන්ට රැකියා අවස්ථා ලබාදීමේ වැඩසටහන ආරම්භ කරන බව ජනාධිපති රනිල් වික්‍රමසිංහ මහතා පවසයි.

ඒ සමඟ අපනයන ආර්ථිකයක් නැවත ඇති කිරීම වෙනුවෙන් පෞද්ගලික සමාගම් සමඟ සම්බන්ධ වී නවීන කෘෂිකර්මය ගමට ගෙන යාමේ වැඩපිළිවෙළ ලබන වසරේ සිට ආරම්භ කරන බව ජනාධිපතිවරයා විසින් පවසන ලදී.

ඔහු මෙම අදහස් පල කළේ, දොරේඅප්පා ක්‍රීඩාංගණයේ පැවති යාපනය දිස්ත්‍රික් තරුණ සමුළුවට එක්වෙමිනි.

එහිදී වැඩිදුරටත් අදහස් දැක්වූ ජනාධිපති රනිල් වික්‍රමසිංහ මහතා,

“පසුගිය වසර හතරක කාලය තුළ ශ්‍රී ලංකා ආර්ථිකය විශාල වශයෙන් පසුබෑමකට ලක්වුණා. එහිදී ජනතාව විශාල ලෙස දුක් පීඩාවට ලක්වුණා. වර්තමානය වන විට රට බංකොලොත්භාවයෙන් මිදෙමින් තිබෙනවා. රට බංකොලොත්භාවයෙන් ඉවත් වූවායින් පසුව රැකියා විරහිත තරුණ තරුණියන්ට රැකියා ලබාදීමටත් බලාපොරොත්තු වෙනවා. මේ වන විටත් ආර්ථික පරිවර්තන නීති පනත් කෙටුම්පත පාර්ලිමේන්තුවට ගෙනවිත් තිබෙනවා. එමඟින් අපනයනය පදනම් කරගත් ආර්ථිකයකට පරිවර්තනය වීමට අප බලාපොරොත්තු වෙනවා. වියට්නාමය, මැලේසියාව, තායිලන්තය වැනි අපනයනය පදනම් වූ ආර්ථිකයක් මෙරට ද ගොඩනැඟිය යුතුයි.”

“ඒ වගේම ඔබේ ඉල්ලීම පරිදි ඉදිරි මාස දෙක තුළදී දකුණු ඉන්දීය කලාකරුවන් සමඟ විශාල ප්‍රසංගයක් යාපනයේ පැවැත්වීමට කටයුතු කරන ලෙස මා ජාතික තරුණ සේවා සභාවේ සභාපතිවරයාට දැනුම් දුන්නා. බංකොලොත් ආර්ථික‍යෙන් රට මුදවාගෙන ජනතාවගේ ජීවන තත්ත්වය ඉහළ දැමීමට රජයක් හැටියට අප ඉදිරියටත් කටයුතු කරනවා.”

ලෝක ප්‍රකට ව්‍යාපාරික ඊලෝන් මස්ක් ලංකාවට පැමිණීමෙන් තරුණ ප්‍රජාවට ලැබෙන ප්‍රයෝජනය කුමක් ද යන්න එහිදී එක් තරුණයෙකු ජනාධිපතිවරයාගෙන් විමසීමක් කළ අතර ඊට පිළිතුරදුන් ජනාධිපති රනිල් වික්‍රමසිංහ මහතා,

“මම ඊලොන් මස්ක් සමඟ ගෝලීය “Starlink”“ ජාලය ශ්‍රී ලංකාව හා සම්බන්ධ කිරීම පිළිබඳව සාකච්ඡා කළා. “Starlink” සමඟින් කොළඹින් පිටත WiFi ප්‍රශ්නය බොහෝ දුරට විසඳෙනවා. ඒ වගේම ඔහු සමඟ අප රට සතු පුනර්ජනනීය බලශක්තිය විශේෂයෙන්, සූර්ය බලශක්ති විභවය පිළිබඳව ද සාකච්ඡා කළා. අපේ රටට වැදගත් ව්‍යාපෘති ක්‍රියාත්මක කිරීම වෙනුවෙන් ඔහුට මෙරටට පැමිණෙන ලෙස මා ආරාධනා කළා. ඒ වගේම “Starlink” ජාලය ගැන සොයා බලන ලෙස විදුලි සංදේශ නියාමන කොමිසමෙන් ද ඉල්ලීමක් කර තිබෙනවා. බොහෝ දුරට එහි වැඩකටයුතු අවසන් වී තිබෙනවා. ඉතිරිව ඇත්තේ ආරක්‍ෂක අමාත්‍යාංශයේ අදහස් ලබාගෙන අනුමැතිය ලබා ගැනීම පමණයි.”

Continue Reading

ඡායාරූප සටහන

තේ රසත් එක්ක චීන – ලංකා මිතුදම තවත් වැඩි වේවි – චීන තානාපති (ඡායා)

Published

on

By

චීන සංස්කෘතික උත්සවයක් ඊයේ (22) කොළඹදී පැවැත්වුණි.

‘Tea for Harmony – Yaji Cultural Salon 2024’ ලෙස නම් කර තිබුණු මෙම උත්සවයට දකුණුදිග චීනයේ ග්වංෂි ජුවාං ස්වයංපාලන ප්‍රදේශයේ සංස්කෘතික අංග ඇතුළත් විය.

දෙරටේම නැටුම් ගැයුම් වලින් වර්ණවත් වූ මෙම උත්සවයට මෙරට පාර්ලිමේන්තු කතානයක – මහින්ද යාපා අබේවර්ධන මහතා, මෙරට චීන තානාපති – චී ජන්හෙං මහතා, තානාපති බිරිඳ වන ජින් චියැන් මහත්මිය, ග්වංෂි ජුවාං ස්වයංපාලන ප්‍රදේශයේ සංස්කෘතික හා සංචාරක දෙපාර්තමේන්තුවේ ප්‍රධානියෙකු වන ලයි ෆූචියැං මහතා, තානාපති කාර්යාලයේ නිලධාරීන් ඇතුළු සම්භාවනීය අමුත්තන් රැසක් එක්විය.

ජාත්‍යන්තර තේ දිනයේ පැවති මෙම උත්සව අවස්ථාවේදී, චීන තේ කලාව අත්විඳීමටත් අවස්ථාව ලබාදී තිබුණි.

මෙම උත්සවය අමතමින් චීන තානාපතිවරයා පවසා සිටියේ තේ වගා කිරීම, නිෂ්පාදනය හා රසවිඳීම සම්බන්ධයෙන් චීනයට හා ශ්‍රී ලංකාවටද දීර්ඝ ඉතිහාසයක් ඇති බවත් දෙරටෙහි ජනතා ගේ ජීවන රටාවල පොදු සිද්ධාන්තයක් බවට පත් වී ඇති තේ පානය,   ඔවුන්ව එකිනෙකාට වඩාත් සමීප කරන වැදගත් පුරුකක් බවට පත්ව ඇති බවත්ය.

ඉදිරියටත්, දෙරට අතර සංස්කෘතික හුවමාරුවන් හා මිත්‍රත්වයන් තවදුරටත් ප්‍රවර්ධනයට හා ශක්තිමත් කිරීමටද තේ ඉවහල් වනු ඇතැයි තමාගේ විශ්වාසය බවත් චී මහතා වැඩිදුරටත් පැවසීය. 

(ඡායා : ශානිකා ජයසේකර)

Continue Reading

ඡායාරූප සටහන

ජනපති ඉරාන තානාපති කාර්යාලයට

Published

on

By

ජනාධිපති රනිල් වික්‍රමසිංහ මහතා අද (22) පෙරවරුවේ කොළඹ ඉරාන තානාපති කාර්යාලය වෙත ගොස් අභාවප්‍රාප්ත  ඉරාන ජනාධිපති  ඊබ්‍රහම් රයිසි  මහතාගේ හදිසි අභාවය වෙනුවෙන් සිය  ශෝකය පළ කළේය.

තානාපති කාර්යාලය වෙත පැමිණි ජනාධිපතිවරයාව ශ්‍රී ලංකාවේ ඉරාන තානාපති ආචාර්ය අලි රීසා ඩෙල්කොෂ් මහතා ඇතුළු කාර්ය මණ්ඩලය විසින් පිළිගන්නා ලදී.

අනතුරුව ඉරාන තානාපතිවරයා ඇතුළු පිරිස සමඟ කෙටි කථා බහකට එක් වූ ජනාධිපතිවරයා එහි තැන්පත් කර තිබු ශෝක සටහන් පොතේ සටහනක් ද තබමින් ජනාධිපති  ඊබ්‍රහම් රයිසි  මහතාගේ හදිසි අභාවය වෙනුවෙන් ඉරාන රජයටත්, ජනතාවටත් තමාගේ සහ ශ්‍රී ලංකා රජයේත්, ජනතාවගේත් බලවත් ශෝකය පළ කර සිටියේය.

(ජනාධිපති මාධ්‍ය අංශය )

Continue Reading
Advertisement

Trending

Copyright © 2023 Sri Lanka Mirror. All Rights Reserved