Mar 24, 2018

පාකිස්තානයෙන් ලද ඉහලම ආචාරය සිරිසේන ජනපතිට

ශ්‍රී ලංකාව වෙනුවෙන් පකිස්තානයෙන් ලැබුණු ඉහලම ආචාරය ඊයේ (23) දිනයේදී ජනාධිපති මෛත්‍රිපාල සිරිසේන මහතා ලබාගත් බව ජනාධිපති මාධ්‍ය අංශය කියයි.

ඒ ඊයේ (23) ජනාධිපති සිරිසේන මහතා පකිස්තාන ජනරජ දින සැමරුම් උළෙලේ ප්‍රධාන ආරාධිත අමුත්තා ලෙස සහභාගිවෙමින් එය හිමිකරගත් බව පැවසේ.

විශේෂ ආරක්ෂක රථ වාහන පෙළපාලියකින් උත්සව භූමිය වෙත ගිය සිරිසේන මහතා පාකිස්තාන අගමැති ෂහීද් කඛාන් අබ්බාසි මහතා විසින් මහත් හරසරින් යුතුව පිළිගනු ලැබ තිබේ.

අනතුරුව සිරිසේන මහතා විශේෂ පීඨිකාව වෙත කැඳවාගෙන ගොස් ඇති අතර පාකිස්තාන ජනාධිපති මම්නුන් හුසේන් මහතා, ජනාධිපති මෛතී‍්‍රපාල සිරිසේන මහතා සහ පාකිස්තාන අග්‍රාමාත්‍ය, කතානායකවරයා සහ පාකිස්ථාන ත්‍රිවිධ හමුදාපතිවරු එහි අසුන් ගෙන ඇත.

දෙරටේ ජනාධිපතිවරු ඇතුළු පිරිස විශේෂ පීඨිකාවේ සිට හමුදා උත්තමාචාර පෙළපාලිය සහ විචිත්‍රවත් ගුවන් හමුදා සංදර්ශනය නරඹා ඇත.

පාකිස්තාන හමුදාව මෙන්ම බහරේන්, ජෝර්දාන්, එක්සත් අරාබි එමිර් රාජ්‍ය ඇතුළු රටවල හමුදාවන් මෙම ගුවන් සංදර්ශනය සඳහා එක්ව සිටි බව පැවසේ.

පැය 03 කට ආසන්න කාලයක් පැවති ජන රජ දින සැමරුම් උළෙල අලංකාරවත් සංස්කෘතිකාංග රැසකින් ද වර්ණවත් තිබී ඇත.

my300

my31

my32

my34

my35

my36

my37

my38

my39

my310

my311

my312

my313

my3114

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top