Jan 14, 2019

රොෂාන් මහනාමගෙන් උතුම් මිනිසත්කමක් (ඡායා)

ශ්‍රී ලංකා ක්‍රිකට් කණ්ඩායමේ හිටපු නායක හා ජාත්‍යන්තර ක්‍රිකට් තරඟ තීරක රොෂාන් මහනාම මහතා විසින් දුෂ්කර ගම්මානයක් වන වවුනියාව වෙහෙරතැන්න ගම්මානයේ ඉදිකළ රොෂාන් මහනාම විද්‍යාලයේ අධ්‍යාපනය ලබන දරුවන් වෙත 2019 වසර වෙනුවෙන් අවශ්‍ය පාසල් උපකරණ හා නිළ ඇදුම් ප්‍රදානය කිරීම ඊයේ (13) වෙහෙරතැන්න රොෂාන් මහනාම විද්‍යාලයේදී සිදුකරනු ලැබීය.

වෙහෙරතැන්න රොෂාන් මහනාම විද්‍යාලයේ දරුවන් වෙනුවෙන් හා වෙහෙරතැන්න පියවර පෙර පාසලේ දරුවන් වෙනුවෙන් අවශ්‍ය සියලු පාසල් උපකරණ හා නිළ ඇදුම් බෙදාදීම රොෂාන් මහනාම මහතාගේ ප්‍රධානත්වයෙන් සිදුකෙරිණි.

වෙහෙරතැන්න නැවත පදිංචි කළ ගම්මානයේ දරුවන් වෙනුවෙන් පාසලක් නොමැතිව තිබූ අවස්ථාවේ මීට වසර කිහිපයකට පෙර රොෂාන් මහනාම මහතා සිය ධන පරිත්‍යාගයෙන් විද්‍යාලයක් ඉදිකොට දරුවන් වෙත ප්‍රදානය කළ අතර,විද්‍යාලය එහිදි‍ රොෂාන් මහනාම විද්‍යාලය ලෙස නම් කරනු ලැබීය.

වන්නි ආරක්ෂක සේනා ආඥාපති මේජර් ජෙනරල් කුමුදු පෙරේරා මහතාගේ මෙහෙයවීම යටතේ වැඩසටහන සංවිධානය කොට තිබිණ.

රොෂාන් මහනාම මහතා මීට පෙරද වවුනියාව නැවත පදිංචි ගම්මාන වන වෙහෙරතැන්න ගම්මානය හා වවුනියාව බෝගස්වැව ගම්මානවල දරුවන්ගේ අධ්‍යපන කටයුතු වෙනුවෙන් පාසල් උපකරණ බෙදාදුන්නේය.

වැඩසටහන් අවස්ථාව වෙනුවෙන් රොෂාන් මහනාම පදනමේ සාමාජිකයින්,වන්නි ආරක්ෂක සේනා 62 සේනාංකයේ සේනාංකාධිපති බ්‍රිගේඩියර් ධම්මික ජයසිංහ මහතා,වන්නි ආරක්ෂක සේනා උසස් නිලධාරීන්, රොෂාන් මහනාම විද්‍යාලයේ විදුහල්පති, පාසල් ගුරුවරුන්, පාසල් දරුවන්, ප්‍රදේශවාසීන් ඇතුළු විශාල පිරිසක් එක්ව සිටියහ.

සටහන සහ ඡායා - මාධව කුලසූරිය - වවුනියාව

Mahanama15 670px 19 01 14

Mahanama14 670px 19 01 14

Mahanama13 670px 19 01 14

Mahanama12 670px 19 01 14

Mahanama11 670px 19 01 14

Mahanama10 670px 19 01 14

Mahanama9 670px 19 01 14

Mahanama8 670px 19 01 14

Mahanama7 670px 19 01 14

Mahanama6 670px 19 01 14

Mahanama5 670px 19 01 14

Mahanama4 670px 19 01 14

Mahanama3 670px 19 01 14

Mahanama2 670px 19 01 14

Mahanama1 670px 19 01 14

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top