Mar 31, 2017

කොස් මාමාගේ කඩේ BMICH එකේ (වීඩියෝ)

තිරසර ලංකා ජාතික මංගල්‍යය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේදී අද (31දා) ආරම්භ විය.
 
වස විස නැති ආහාර වේලක්, පානයට පිරිසිදු ජල බිඳක් මෙන්ම පරිසරය සුරකින හෙට දවසක් උදා කරලීමට අනාගත පරපුර සවිබල ගැන්වීම මෙම වැඩසටහනේ අරමුණවේ.
 
රාජ්‍ය අංශය මෙන්ම පෞද්ගලීක අංශයේ ප්‍රදර්ශන කුටි සහ අළෙවි සැල් 1000 කට ආසන්න සංඛ්‍යාවකින් තිරසර ලංකා ජාතික ප්‍රදර්ශනය සමන්විතවේ.
 
වස විස නැති ආහාර, හරිත බලශක්තිය, සෞඛ්‍ය සායන, පෝෂණ හා සූපවේදී උපදෙස්, ළමා හා කාන්තා උපදේශන සේවා, සිනමා සහ කලා නිර්මාණ යන ප්‍රදර්ශන කුටි රැසක් මෙම භූමියට පැමිණෙන ඔබට දැක බලා ගත හැකිවේ.
 
අද සිට අප්‍රේල් 4 වනදා දක්වා පෙරවරු 9 සිට රාත්‍රී 10 දක්වා එම ප්‍රදර්ශනය මහජනතාවට විවෘතයි. 
 
ප්‍රදර්ශනයේ දින 5 එක්සත් ජාතීන්ගේ තිරසර සංවර්ධන ඉලක්ක වලට වෙන් කර ඇති අතර එහි පළමු දිනය වූ අද දිනයේ තේමාව වූයේ ‘‘යහපත් දිවියක් ’’ යන්නයි.
 
කොස් මාමාගේ අවුරුදු පණිවුඩේ
 
මේ ප්‍රදර්ශන කුටි අතර "කොස් මාමා" ලෙස ප්‍රචලිත වාද්දූවේ එස්.ලලිත් මංජුල සිල්වා මහතාගේ වෙළඳ කුටියක් ද තිබේ.
 
කොස් ගෙඩියෙන් කෑම ජාති 148ක් සකසා ඇත.
 
කොස් මාමාගේ අවුරුදු පණිවුඩය පහත දැක්වේ. (වීඩියෝ)
Kosmama111

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top