Connect with us

ඡායාරූප සටහන

77 වන ජාතික නිදහස් දිනය සැමරේ (ඡායා)

Published

on

77 වන ජාතික නිදහස් දින සැමරුම් උත්සවය අද (04) පෙරවරුවේ නිදහස් චතුරස්‍ර පරිශ්‍රයේ දී අභිමානවත් අයුරින් පැවැත්විණි.

‘ජාතික පුනරුදයට පෙළගැසෙමු ’ යන තේමාව යටතේ 77 වන ජාතික නිදහස් දින සැමරුම ජනාධිපති අනුර කුමාර දිසානායක මහතාගේ ප්‍රධානත්වයෙන් කොළඹ නිදහස් චතුරශ්‍රයේදී අද පැවැත්විණි.

මෙම වසරේ රජය වියදම් අඩු කිරීම සහ වැඩි මහජන සහභාගීත්වයක් සහතික කිරීම අරමුණු කරගත් පියවර කිහිපයක් ප්‍රකාශයට පත් කර තිබුණි.

ඒ අනුව, පසුගිය වසරේ සහභාගී වූ 3,384 ට සාපේක්ෂව ත්‍රිවිධ හමුදා සාමාජිකයින් 1,873 ක් පමණක් නිදහස් දින සැමරුමට සහභාගී වූ අතර එය සොල්දාදුවන් 1,511 කින් අඩුවක් විය.

මෙම වසර සඳහා ත්‍රිවිධ හමුදාවේ සන්නද්ධ වාහන භාවිතා නොකිරීමට ද රජය තීරණය කර තිබුණි.

පසුගිය වසරේ භාවිතා කළ ගුවන් යානා 19 ට වෙනස්ව, මෙම වසරේ ගුවන් හමුදාවට අයත් ගුවන් යානා 03 ක් පමණක් භාවිතා කරන ලදී.

පෙබරවාරි 01 සිට 07 දක්වා රාජ්‍ය ආයතනවල ජාතික ධජය එසවීමට නියමිත අතර, රාජ්‍ය පරිපාලන, පළාත් සභා සහ පළාත් පාලන අමාත්‍යාංශය ආයතනවල විදුලි ආලෝක සැරසිලි ඉවත් කිරීමට තීරණය කර තිබුණි.

මේ අතර මෙරට 77 වැනි නිදහස් දිනය වෙනුවෙන් විදේශ රටවල් රැසකින් සහ ගෝලීය නායකයින් කිහිප දෙනෙකු සුබපැතුම් පිරිනමා තිබේ.

විදේශ කටයුතු අමාත්‍යාංශය පෙන්වා දෙන්නේ, එමගින් ශ්‍රී ලංකාව සමග පවත්නා රාජ්‍ය තාන්ත්‍රික සබඳතා සහ සහයෝගීතාව යළි තහවුරු කර ඇති බවය.

ශ්‍රී ලංකාවේ දිගුකාලීන සගයෙකු වන එක්සත් ජනපදයේ සුබපැතුම එරට රාජ්‍ය ලේකම් මා(ර්)කෝ රූබියෝ විසින් එක්කර තිබුණි.

නිල ප්‍රකාශයක් මගින් රාජ්‍ය ලේකම්වරයා අවධාරණය කළේ, ප්‍රජාතන්ත්‍රවාදී වටිනාකම් සහ ශක්තිමත් මානව සම්බන්ධතා මත ගොඩනැගුණු දෙරට අතර පවත්නා හවුල්කාරිත්වය දිගුකල් පවතිනු ඇති බවය.

තවදුරටත් එහි වෙළෙඳාම, ආයෝජන සහ ආරක්ෂක සහයෝගීතාව පුළුල් කිරීම පිළිබඳවත් සුභවාදී අදහස් පළ කර ඇත.

මේ අතර ඉන්දීය විදේශ කටයුතු අමාත්‍ය ආචාර්ය එස්. ජයශංකර් මහතා ද නිදහස් දින සුබපැතුම් පණිවුඩයක් නිකුත් කර තිබුණි.

එහිදී, දෙරට අතර බහුවිධ හවුල්කාරිත්වය තවදුරටත් දීර්ඝ කිරීමට ඉන්දියාවේ උනන්දුව ඔහු යළිත් තහවුරු කළේය.

තවද, චීන ජනාපති, චීන අගමැති සහ චීනයේ විදේශ කටයුතු අමාත්‍ය වැන්ග් යී මහතාගේ නිදහස් දින පණිවුඩය ද විදේශ කටයුතු විදේශ රැකියා සහ සංචාරක අමාත්‍ය විජිත හේරත් මහතා වෙත පිරිනමා තිබුණි.

ඒ, ශ්‍රී ලංකාවේ මහජන චීන සමූහාණ්ඩුවේ තානාපති කාර්යාලය හරහා නිල පණිවුඩයක් යොමු කරමිනි.

ද්විපාර්ශ්වික සබඳතා සහ විවිධ අංශ හරහා සහයෝගීතාව ශක්තිමත් කිරීම සඳහා චීනයේ අඛණ්ඩ කැපවීම මෙම පණිවුඩය මගින් අවධාරණය කර ඇත.

මීට අමතරව, ප්‍රංශය, බෙල්ජියම සහ කියුබාව ඇතුළු රටවල් කිහිපයක් ද ශ්‍රී ලංකාවට සුබ පැතුම් පළ කර ඇති අතර, එය ශ්‍රී ලංකාව ලොව පුරා දිනා ඇති ශක්තිමත් සහ දිගුකාලීන රාජ්‍යතාන්ත්‍රික සබඳතාව ඉන් පිළිබිඹු කරයි.

ශ්‍රී ලංකා රජය මෙම සුබපැතුම් සඳහා අවංක ප්‍රසාදය පළ කරන අතර සාමය සහ අන්‍යොන්‍ය සහයෝගීතාව ප්‍රවර්ධනය කිරීමට ජාත්‍යන්තර ප්‍රජාව සමග අර්ථවත් හවුල්කාරිත්වයන් මුලපිරීමට කැපවී සිටින බව විදේශ කටයුතු අමාත්‍යාංශය පවසයි.

ඡායාරූප සටහන

“අමර් චිත්‍ර කතා”  පොත් එළිදැක්වීම හා  ‘බුද්ධං සරණං ගච්ඡාමි’ ප්‍රදර්ශනය අද කැළණිය රජමහා විහාරයේදී..

Published

on

By

කොළඹ ඉන්දීය මහ කොමසාරිස් කාර්යාලය විසින් සුවිශේෂී සන්ධිස්ථානයක් සනිටුහන් කරමින් අමර් චිත්‍ර කතා ජාතක කතා පොත් පහක සිංහල පරිවර්තන නවම් පුන් පොහෝ දිනයේදී පූජනීය කැලණිය රජ මහා විහාරයේදී එළි දක්වන ලදී.

ඉන්දියාවේ විශාලතම චිත්‍ර කතා පොත් ප්‍රකාශන ආයතනය වන අමර් චිත්‍ර කතා ආයතනය විසින් සිංහලට පරිවර්තනය කර ප්‍රකාශයට පත් කරන ලද මෙම ජාතක පොත් ධර්මය හදාරන සිසුන් ආකර්ෂණීය මාධ්‍යයක් හරහා බුදුන් වහන්සේගේ ඉගැන්වීම් වෙත සමීප කරයි.

දහම් පාසල් ශිෂ්‍ය ශිෂ්‍යාවන් සිය ගණනක් ඇතුළු බොහෝ පිරිසක් සහභාගී වූමෙම උත්සවයේදී ජාතක කතා පොත් සඳහා ඉහළ ප්‍රතිචාරයක් හිමි විය.

පොත් එළි දැක්වීමට අමතරව, මහ කොමසාරිස් කාර්යාලය විසින් දෙවන වරටත් සංවිධානය කරන ලද ‘බුද්ධං සරණං ගච්ඡාමි’ ප්‍රදර්ශනය ද කැලණි විහාර පරිශ්‍රයේ දී පැවැත්විණ. නව දිල්ලි නුවර ජාතික නූතන කලාගාරය විසින් සම්පාදනය කරන ලද මෙම ප්‍රදර්ශනය සඳහා බුදුන් වහන්සේගේ ජීවිතයේ වැදගත් සිදුවීම් සහ බෞද්ධ ඉගැන්වීම් දැක්වෙන සම්භාවනීය සිතුවම් එකතුවක් ඇතුළත් වේ.

Continue Reading

ඡායාරූප සටහන

උතුරු පළාත් වෛද්‍ය සහ අධ්‍යාපනික පහසුකම් වැඩිදියුණුවට ජපන් සහය

Published

on

By

උතුරු පළාතේ වෛද්‍ය සහ අධ්‍යාපනික පහසුකම් වැඩිදියුණු කිරීම සඳහා ජපානය සිය සහය ලබාදීමට එකඟත්වය පලකර තිබේ.

ඊයේ (11)  දිනයේදී ජපන් තානාපති ගරු අකිඔ ඉසොමතා මහතා සිය පළමු උතුරු පළාත් සංචාරයේදී මානුෂීය සංවර්ධන සංවිධානය [Humanitarian Development Organization (HDO)] සහ නෆීල්ඩ් බිහිරි සහ අන්ධ පාසල් යන රාජ්‍ය නොවන සංවිධාන දෙකක් සමඟ " බිම් මට්ටමේ මානව ආරක්ෂණ ව්‍යාපෘති සඳහා ආධාර ප්‍රදාන (GGP)" වැඩසටහන යටතේ ආධාර ප්‍රදාන ගිවිසුම් දෙකක් අත්සන් කළේය.

ගිවිසුම් සඳහා අත්සන් තැබීම උතුරු පළාත් ආණ්ඩුකාර නාගලිංගම් වේදනායහන් මහතා ඉදිරියේ යාපනය ආණ්ඩුකාර කාර්යාලයේදී සිදු විය.

උතුරු පළාතේ වෛද්‍ය සහ අධ්‍යාපනික පහසුකම් වැඩිදියුණු කිරීම වෙනුවෙන් මෙම ව්‍යාපෘති සඳහා ජපන් රජය ඩොලර් 173,659 (ආසන්න වශයෙන් රුපියල් මිලියන 50) වෙන් කර ඇත.

විශේෂයෙන්ම අවදානම් අවම කිරීම ප්‍රවර්ධනය කිරීමේදී, ගැටුම්වලින් පීඩාවට පත් ප්‍රදේශවල සංවර්ධනයට සහායවීම ශ්‍රී ලංකාවට ලබාදෙන ජපානයේ නිල සංවර්ධන ආධාරවල ප්‍රමුඛතාවයක් ලෙස පවතී.

Continue Reading

ඡායාරූප සටහන

ඉතාලි නාවික හමුදාවේ ‘ANTONIO MARCEGLIA’ යුද නෞකාව ලංකාවට (ඡායා)

Published

on

By

ඉකුත් පෙබරවාරි 05 වැනිදා දිවයිනට පැමිණි ඉතාලි නාවික හමුදාවේ ‘ANTONIO MARCEGLIA’ යුද නෞකාව, සැපයුම් හා සේවා අවශ්‍යතා සපුරාගැනීමෙන් අනතුරුව, ශ්‍රී ලංකා නාවික නෞකා සයුර නෞකාව සමඟ පැවති ඒකාබද්ධ නාවික අභ්‍යාසයකින් පසුව ඊයේ (07) දිවයිනෙන් පිටත්ව විණි.

ශ්‍රී ලංකා නාවික හමුදාව විසින් නාවික හමුදාව විසින් එම නෞකාවට සම්ප්‍රදායානුකූලව සමුදීම, කොළඹ වරායේදී සිදු කෙරිණි. 

ඒ අනුව, නෞකා පෙළ හැඩයන් ඔස්සේ ගමන් කිරීම, නෞකා අතර පණිවුඩ හුවමාරුව වැනි නාවික අභ්‍යාසයන් සාර්ථකව සිදුකිරීමෙන් අනතුරුව, නෞකා අතර ආචාර සමාචාර සිදු කිරීමෙන් පසුව, මෙම ඒකාබද්ධ නාවික අභ්‍යාසය සාර්ථකව නිමාවට පත්විය. 

මේ නෞකාව දිවයිනේ රැදීසිටි කාලසීමාව තුල එහි අණදෙන නිලධාරී කොමාණ්ඩර් Alberto Bartolomeo සහ බටහිර නාවික විධානයේ ආඥාපති රියර් අද්මිරාල් චන්දිම සිල්වා අතර නිල හමුවක් එම විධාන මූලස්ථානයේදී සිදු කෙරුණු අතර, එහි නැව්මුළුව කොළඹ සහ ගාල්ල ප්‍රදේශයේ ආකර්ෂණීය සංචාරක ස්ථාන නැරඹීම සඳහා සංචාරය කිරීමටද එක්ව තිබේ.

තවද, විදේශීය නාවික හමුදාවන්ට අයත් නෞකාවන් ශ්‍රී ලංකාවේ සිදුකරනු ලබන මෙවැනි සංචාර මඟින් දෙරටේ නාවික හමුදාවන් අතර සුහදත්වය හා සහයෝගීත්වය වැඩිදියුණු වන අතර, එම නෞකා සංචාරයන්ට සමගාමීව සිදු කරනු ලබන ඒකාබද්ධ නාවික අභ්‍යාස තුළින් හුවමාරු කරගනු ලබන නව දැනුම කුසලතා සහ අත්දැකීම් තුළින්, ඉදිරියේදී සාගර කළාපයේ සාම්ප්‍රදායික නොවන සමුද්‍රීය තර්ජන ඇතුළු පොදු සමුද්‍රීය අභියෝග සඳහා සාමූහිකව ප්‍රථිචාර දැක්වීමට ශ්‍රී ලංකා නාවික හමුදාවට හැකියාව ලැබෙනු ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved