Sathosa

Feb 22, 2018

චැනල්නැති ක්‍රිකට් ආයතනයේ චැනල් හෙඩ් ඉල්ලා අස්වෙයි ! Featured

රූපවාහිනී නාලිකාවක් හෝ ගුවන් විදුලි නාලිකාවකට හිමිකම් නොකියන ශ්‍රී ලංකා ක්‍රිකට් ආයතනයේ නාලිකා ප්‍රධානී ලෙස බඳවාගෙන සිටි කමල් දේශප්‍රිය මහතා ලබන 28 වැනිදා සිට ඉන් ඉවත්වීමට ඉල්ලා අස්වීම ලබාදී තිබේ.

ශ්‍රී ලංකා ක්‍රිකට් ආයතනයේ උප ලේකම් රවීන් වික්‍රමරත්න මහතා සමඟ රූපවාහිනී විකාශ අයිතිය සමඟ ඇතිකරගත් මතභේදයක් හේතුවෙන් ඔහු ඉවත්ව ඇතැයි වාර්තා වේ.

රවීන් මහතා ක්‍රිකට් විකාශනය සම්බන්ධයෙන් නිතර ගැටුම් ඇතිකරගන්නේ CSN නාලිකාව වැසීයාමෙන් ආනාථයෙක් බවට පත්ව සිටින ඔහුගේ මස්සිනා පවත්වාගෙන යන ආයතනයකට වාසිසහගත ලෙස කටයුතු කිරීමට යාමෙන් බවද ක්‍රිකට් ආයතන ආරංචි මාර්ගවලින් වාර්තා වේ.

දේශප්‍රිය මහතා බඳවාගෙන තිබුණේ ශ්‍රී ලංකා ක්‍රිකට් කණ්ඩායම සහභාගි වන තරග විකාශ කටයුතු (රූපවාහිනී හා ගුවන් විදුලි) ශ්‍රී ලංකා ක්‍රිකට් ආයතනයෙන්ම සිදු කිරීමට බව පැවසේ.

චැනල් හෙඩ් අස්වෙද්දී ගෝලයෝ ගන්න ඉන්ටවිව් එකක්

නාලිකා ප්‍රධානියා ඉවත්වයාමට ඉල්ලා අස්වීමද ලබාදී තිබියදී එම අංශයට නියෝජ්‍ය නාලිකා ප්‍රධානියකු ගැනීමට පසුගිය දිනවල සම්මුඛ සාකච්ඡාවක් පැවැති බවද ශ්‍රී ලංකා ක්‍රිකට් ආරංචි මාර්ගවලින් වාර්තා වේ.

රූපවාහිනිය - ගුවන්විදුලිව කපා හැරලා !

ශ්‍රී ලංකාවේ ක්‍රිකට් ඇතුළු අනෙකුත් ක්‍රීඩා සජීවී විස්තර විචාරයේදි ඒ සඳහා වැඩි ජනතාවකට ශ්‍රවණය කිරීමේ හා දර්ශනය කිරීමේ හැකියාව ඇති එමෙන්ම රාජ්‍ය නාලිකාවලට මුල් තැන ලබාදිය යුතුබවට කැබිනට් පත්‍රිකාවක් පවා තිබියදී ශ්‍රී ලංකා ක්‍රිකට් ආයතනය ශ්‍රී ලංකා ගුවන්විදුලි සංස්ථාවට හා ජාතික රූපවාහිනියට පසුගිය කාලයේදී එම අවස්ථාව අහිමිකර තිබිණි.

ශ්‍රී ලංකා ක්‍රිකට් පිල පසුගිය කාලයේ සභභාගිවූ තරග සියල්ල විකාශය කරනු ලැබුවේ පෞද්ගිලික නාලිකාවලිනි.

මනෝ කියන පස්වැනි ආගමේ විකාශ අයිතිය ජාතික නාලිකාවලට නැත්තේ ඇයි ?

මේ අතර, ජනපති මෛත්‍රීපාල සිරිසේන මහතා විසින් පසුගියදා විවෘත කළ ශ්‍රී ලංකා රූපවාහිනී සංස්ථාවේ දෙමළ රූපවාහිනී නාලිකාව නේත්‍රා (සංහිඳියාවේ නාලිකාව) විවෘත කළ අවස්ථාවේ අමාත්‍ය මනෝගනේෂන් මහතා ක්‍රිකට් මේ රටේ පස්වැනි ආගම බවත්, ඒ නිසා එම තරග විකාශය කිරීමේදී අලුතින් ආරම්භ කළ දමිළ නාලිකාවටත්, රූපවාහිනියේ චැනල් අයි නාලිකාවටත් ඒවා විකාශය කිරීමේ අයිතිය ලබාදෙන ලෙසද ඉල්ලීමක් කළේය.

සබැඳි පුවත්
ක්‍රිකට් ආයතනය තරග විකාශ අයිතියට SLBCයට කොකා පෙන්නලා?

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top