Mar 04, 2018

බකට් වැටුණ විනිසුරුවරුන් ගේ විභාගය කල්යයි! Featured

හෙට (05) දිනයේදී පැවැත්වීමට ශ්‍රී ලංකා ක්‍රිකට් ආයතනය විසින් යෝජනා කර තිබූ ක්‍රිකට් විනිසුරුවරුන් ගේ ශ්‍රේණිගත කිරීමේ විභාගය කල්දමා ඇතැයි වාර්තා වේ.

මේ සම්බන්ධයෙන් පසුගිය 23දා විද්‍යුත් තැපැල් පණිවිඩ මගින් විනිසුරුවරුවන් ව දැනුවත් කර තිබුණු අතර, ශ්‍රී ලංකා ක්‍රිකට් හා ක්‍රීඩා අමාත්‍යවරයා වෙත ලිපියක් යොමු කරමින් විනිසුරුවරුන් රැසක් මීට විරෝධය පළ කර තිබුණි.

කෙසේවෙතත්, යළිත් විද්‍යුත් තැපැල් පණිවිඩයක් යොමුකරමින් විනිසුරු අධ්‍යාපන කළමනාකරු ටිරෝන් විජේවර්ධන මහතා පවසා තිබුණේ හෙට දිනයේ පැවැත්වීමට නියමිත නිදහස් කුසලානයේ වැඩකටයුතු හේතුවෙන් මෙම විභාගය මාර්තු 26 දිනට කල් තැබීමට විනිසුරුවන්ගේ කමිටුව තීරණය කළ බවයි.

මෙම විභාගය පැවැත්වෙන වේලාව හා ස්ථානය පසුව දැනුම්දෙන බවත්, මේ හා සම්බන්ධ වැඩමුළු පැවැත්වීමට කටයුතු යොදා ඇති බැවින් ඒ සඳහා සහභාගී වන ලෙසත් එම පණිවිඩයේ දැක්වේ.

සබැඳි පුවත් :

ක්‍රිකට් විනිසුරු ශ්‍රේණිගත කිරීම් විභාගයත් අවුලක !

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top