Sathosa

Mar 18, 2018

බංග්ලාදේශ ක්‍රීඩකයන් අත්අඩංගුවට ! Featured

නිදහස් කුසලාන පන්දුවාර විස්සයි - 20 තුන්කොන් ක්‍රිකට් තරගාවලියේ බංග්ලාදේශ හා ශ්‍රී ලංකාව අතර තරගය අතරතුර සිදුවූ සිදුවීමක් මත කොළඹ ආර්. ප්‍රේමදාස ක්‍රීඩාංගනයේ දේපලවලට හානි කිරීම සම්බන්ධයෙන් බංග්ලාදේශ ක්‍රීඩකයන් අත්අඩංගුවට ගැනීමට හැකි බව ආචාර්ය නීතීඥ ප්‍රතිභා මහානාම හේවා මහතා කියා සිටියි.

ඒ රුපියල් ලක්ෂයකට වඩා වැඩි අලාභයක් කර ඇත් නම් පොදු දේපලවලට හානි කිරීම යන චෝදනාව යටතේ විදේශිකයකු වුවද අත්අඩංගුවට ගැනීමට හැකි බවත් ඒ මහතා මාධ්‍යවෙත කියා සිටියේය.

එසේම පොදු දේපල පනත යටතේ අත්අඩංගුවට ගත්තෙකු හට ඇප නොලැබෙන බවද ඔහු පැවසීය.

Criket Trash 1

බංග්ලාදේශය සමාව ගනියි

කෙසේ සිද්ධිය සම්බන්ධයෙන් බංග්ලාදේශ ක්‍රිකට් පාලක මණ්ඩලය ශ්‍රී ලංකාවෙන් සමාව ඉල්ලා තිබෙන බව ජාත්‍යන්තර ක්‍රිකට් කවුන්සිලය නිවේදනයක් නිකුත් කරමින් පවසා තිබේ.

ඔවුන්ගේ විනය විරෝධී හැසිරීම හේතුවෙන් බංග්ලාදේශ නායක ශකිබ් අල්-හසන්ට හා අතිරේක ක්‍රීඩක නූරූල් හසන්ට තරග ගාස්තුවෙන් 25% ක දඩයක් සහ කුසලතා ලකුණු 01 බැගින් පහළ දැමීමටත් අන්තර්ජාතික ක්‍රිකට් කවුන්සිලය තීරණය කර ඇත.

අන්තර් ජාතික ක්‍රිකට් කවුන්සිල නීති සහ රෙගුලාසි උල්ලංඝනය කිරීම හේතුවෙන්, ක්‍රීඩකයින් වෙත මෙම කුසලතා ලකුණු අඩු කිරීම සිදු කරනු ලැබේ.

අදාළ දඩුවම මාස 24 ක කාලයක් දක්වා බලපැවැත්වෙන අතර කුසලතා ලකුණු 3 ක් අඩු වුවහොත් ක්‍රීඩකයා සතු සමස්ත ලකුණු ප්‍රමාණයෙන් එක් ලකුණක් අඩු වනු ඇති.

එම තරගය අතරතුර ඇතිවූ සිදුවීමක් මත බංගලාදේශ ක්‍රීඩකයින් කොළඹ, ආර්. ප්‍රේමදාස ජාත්‍යන්තර ක්‍රීඩාංගණයේ විවේකාගාරයේ දේපළවලට හානිකර ඇති බවට තොරතුරු වාර්තා විය.

එම තරගයේ බංග්ලාදේශ ඉනිමේ අවසන් පන්දුවාරයේදී දෙපිලේ ක්‍රීඩකයින් අතර බහින්බස් වීමක් ද සිදුවිය.

ඒ, හේතුවෙන් තරගය සුළු වේලාවකට නතර කිරීමට ද සිදු වූ අතර මෙවැනි අවාසනාවන්ත සිදුවීම් තුළින් ක්‍රිකට් ක්‍රීඩාවේ ජීවගුණයට හානි වූ බව ක්‍රිකට් විචාරක මතය වේ.

තරගයෙන් බංග්ලාදේශයට කඩුලු 2ක තියුණු ජයක් හිමි වූ අතර ඔවුන් ඉන්දියාව සමග පැවැත්වෙන අවසන් මහා තරගයට ද සුදුසුකම් ලබා ගත්තේය.

නිදහස් කුසලානයේ අවසන් මහා තරගය බංග්ලාදේශය සහ ඉන්දියාව අතර අද (18) කොළඹ, ආර්. ප්‍රේමදාස ක්‍රීඩාංගණයේදී පැවැත්වීමට නියමිත ය.

Criket Trash 2

Criket Trash 3

Criket Trash 4

Criket Trash 5

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top