Jun 25, 2018

අද හෝ හෙට ක්‍රිකට්වලට අතුරු කමිටුවක් !

ශ්‍රී ලංකා ක්‍රිකට් ආයතනයට අද (25) හෝ හෙට (26) අතුරු කමිටුවක් පත් කිරීමට කටයුතු සූදානම් කරමින් සිටින බව ක්‍රීඩා අමාත්‍යංශ ආරංචි මාර්ගවලින් වාර්තා වේ.

බටහිර ඉන්දීය කොදෙව් දූපත්වල සංචාරයක නිරත ශ්‍රී ලංකා පිල දිනෙන් දිනම ප්‍රශ්නවලට මැදිවීමත් ඒ සඳහා දැනට ක්‍රීඩා අමාත්‍යවරයා විසින් පත්කර ඇති එම අමාත්‍යංශයේ ලේකම්වරයාගෙන් සැදුම්ලත් නිසි බලධාරියා ප්‍රමුඛ කණ්ඩායමට ගැටලු විසඳා ගැනීමට නොහැකිවීමත් නිසා මේ තීන්දුව ගෙන ඇතැයි පැවසේ.

නව අතුරු කමිටුවට ජ්‍යෙෂ්ඨ ක්‍රීඩකයන් කිහිප පොළක් හා පරිපාලක ක්ෂේත්‍රයේ ප්‍රබල චරිත කිහිපයක් එක් කිරීමට සැලැසුම් කර ඇති බව ද පැවසේ.
 
පසුගිය දිනවල ක්‍රිකට් ආයතනයේ බිඳ වැටීම් සම්බන්ධයෙන් ක්‍රීඩා මාත්‍ය ෆයිසර් මුස්තාපා මහතාගෙන් අග්‍රාමාත්‍ය රනිල් වික්‍රමසිංහ මහතාද විමසා ඇති බව මේ අතර වාර්තා වේ.
 
 
 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top