Dec 20, 2016

සනාගේ තීරණවලට මැතිව්ස් හා ෆෝඩ් හරහට ඉඳලා Featured

ශ්‍රී ලංකා ක්‍රිකට් තේරීම් කමිටු සභාපති හා හිටපු සුපිරි ක්‍රිකට් ක්‍රීඩක සනත් ජයසුරිය මහතා ශ්‍රී ලංකා ක්‍රිකට් කණ්ඩායමේ ඉහල කලමනාකාරීත්වය සම්බන්ධයෙන් දැඩි කලකිරීමකින් පසුවන බව ශ්‍රී ලංකා ක්‍රිකට් අභ්‍යන්තර ආරංචිමාර්ග වාර්තා කරයි.

මේ සදහා හේතුවී ඇත්තේ සනත් ජයසුරිය මහතා විසින් තෝරනු ලබන ඇතැම් ක්‍රීඩකයින්ට නායක ඇන්ජෙලෝ මැතිස් සහ ප්‍රධාන පුහුණුකරු ග්‍රැහැම් ෆෝඩ් මහතා අකමැත්ත පල කිරීමයි.

දකුණු අප්‍රිකානු සංචාරයට ශ්‍රී ලංකා කණ්ඩායම නම් කිරීමේදීද මේ ගැටලුව දැඩි ලෙස මතුවී ඇතැයි පැවසේ.

කෙසේ නමුත් වත්මන් තේරීම් කමිටු සභාපතිවරයා මෑත කාලයේ නවකයින් රැසකට ශ්‍රී ලංකා ජාතික කණ්ඩායමේ දොරටු විවර කර දී ඇති බවද නොරහසකි.

කුසල් මෙන්ඩිස්,ධනංජය ද සිල්වා,දුෂ්මන්ත චමීර,අමිල අපෝන්සු ,අසේල ගුණරත්න ,දසුන් ශානක,කසුන් රාජිත,අවිශ්ක ප්‍රනාන්දු,ලක්ෂාන් සදකැන් වැනි ක්‍රීඩකයින් ඒ අතර ඉදිරියෙන්ම සිටියි.

ක්‍රීඩා විචාරකයින් පවසන්නේ ජයසූරිය මහතා ක්‍රීඩා කරන අවදියේ සිටි මේ වන විටත් ශ්‍රී ලංකා කණ්ඩායමේ ක්‍රීඩා කරන ජේ‍යෂ්ටයින් සමග ඔහු තරමත් අසතුටින් සිටින බවය.

-T'du-

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top