Sathosa

Jul 16, 2018

ප්‍රංශය විසිවසරකට පසු යළි පාපන්දු ලෝක ශූරයන් වෙයි !

රුසියාවේ පැවැති පාපන්දු ලෝක කුසලාන තරගාවලියේ අවසන් මහා තරගයේදී ක්‍රොඒෂියා පිල ගෝල 4-2ක් ලෙස පරාජයට පත් කළ ප්‍රංශය විසිවසරකට පසුව නැවත ලෝක පාපන්දු කිරුළට හිමිකම් කීය.

ඔවුන් සිය පළමු ලෝක කුසලානය දිනාගනු ලැබුවේ 1998 වසරේ ලෝක කුසලාන සත්කාරක රාජ්‍ය වූ අවස්ථාවේදීය.

ක්‍රොඒෂියා පිල පාපන්දු ලෝක කුසලාන අවසන් මහා තරගයක් සඳහා තරගවැඳුනේ පළමු වරටය.

ක්‍රොඒෂියා කණ්ඩායමේ මැන්ඩ්සුකිච් 18 වැනි විනාඩියේදී වාර්තා කළ ඕන් ගෝලය හෙතුවෙන් ප්‍රංශය ගෝල 1-0ක් ලෙස පෙරමුණ ගත්තේය.

කෙසේ වෙතත් 28 වැනි විනාඩියේදී ක්‍රොඒෂියාව වෙනුවෙන් පෙරිසිච් වාර්තා කළ ගෝලයත් සමගින් තරගය සමවුවත් ප්‍රංශය වෙනුවෙන් දඬුවම් පහරක් සාර්ථක කර ගැනීමට ග්‍රිස්මාන් 30 වැනි විනාඩියේදී සමත්වීමත් සමග පළමු අර්ධය 2-1ක් ලෙස ප්‍රංශය පෙරමුණ ගත්තේය.

නැවතත් ප්‍රංශය වෙනුවෙන් පොග්බා 59 වැනි විඩියේදීත් එම්බාබේ 65 වැනි විනාඩියේදීත් ගෝල වාර්තා කිරීමට සමත්වූහ. ක්‍රොඒෂියාව වෙනුවෙන් මැණ්ඩ්සුකිච් 69 වැනි විනාඩියේදි ගෝලයක් වාර්තා කරමින් තරගය 4-2ක් ලෙස සමකළේය.

ඉන් අනතුරුව කිසිම කණ්ඩායමක් ගෝල වර්තා කිරිමට අපොහොසත්වූ අතර ඒ අනුව 2018 වසරේ පාපන්දු ශූරයන් ලෙස ප්‍රංශය සම්මාන ලැබිය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top