Sathosa

Jul 25, 2018

2020 තෝකියෝ ඔලිම්පික් උළෙලේ නිල සුරතලුන් මෙන්න!

ජපානයේදී පැවැත්වීමට නියමිත 2020 ඔලිම්පික් සහ පැරා ඔලිම්පික් ක්‍රීඩා උළෙල සඳහා නිල සුරතලුන් (mascot) එළිදැක්වීම පසුගියදා තෝක්යෝ අගනුවරදී සිදුවිය.

මෙම අවස්ථාවට ළමුන් හා වැඩිහිටියන් දහස් ගණනක් එක්විය.

වසර 2020 ඔලිම්පික් තරගාවලියේ සුරතලා වන්නේ “මිරයිටෝවා” (Miraitowa) ය. ක්‍රීඩාශීලි මෙන්ම ඉතා සාධාරණ මිරයිටෝවා, සුදු සහ නිල් පැහැ කොටුවලින් වර්ණ ගන්වන ලද සත්ත්ව රූපයකි. ජපන් භාෂාවට අනුව ’මිරයි’ හා ‘ටෝවා’ යන්නෙහි තේරුම පිළිවෙළින් අනාගතය හා සදාතනිකත්වයයි. ලොවපුරා මිනිසුන් ගේ හදවත් වල සදාතනික බලාපොරොත්තු වලින් පුරවා තැබීමේ අරමුණින් “මිරයිටෝවා” නාමය තෝරාගෙන තිබේ.

පැරා ඔලිම්පික් ක්‍රීඩා උළෙලේ සුරතලා ලෙස කළඑළි බැස ඇත්තේ “සොමෙටී” (Someity) ය. “සොමෙටී” යනු රෝස සහ සුදු පැහැයන්ගේ සංකලනයෙන් හැඩ ගන්නවන ලද සුරතලෙකි. වැඩි කලබලයක් නොමැති සෙමෙටී හට ඒ නම ලැබී තිබෙන්නේ සොමෙයියෝෂිනෝ (Someiyoshino) යනුවෙන් හැඳින්වෙන චෙරි මල් විශේෂයක් පදනම් කරගෙන බව විදෙස් වාර්තා වල දැක්වේ.

 

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top