Sep 10, 2018

ක්‍රිකට් ආයතනයේ කෝටි ගණනක වංචාවක් : ගිණුම් අංශයට සීල් තබයි

ශ්‍රී ලංකා ක්‍රිකට් ආයතනයේ ඇමරිකානු ඩොලර් මිලියන 5ක වංචාවක් හසුවීමෙන් පසුව එහි ගිණුම් අංශයට අද (10) සීල් තබා ඇතැයි වාර්තා වේ.

මේ වංචාවේ මහ මොළකරු බව පැවසෙන්නේ හිටපු ක්‍රිකට් සභාපති තිලංග සුමතිපාල මහතාගේ සමයේදී ගිණුම් අංශයේ ප්‍රධානියා ලෙස සේවයට එක්කරගත් පුද්ගලයකු බව පැවසේ.

ඔහු එංගලන්ත පිලේ ශ්‍රී ලංකා සංචාරය වෙනුවෙන් ශ්‍රී ලංකා පිලේ විකාශ අයිතිය ලබාගෙන ඇති සෝනි සමාගම ලබාදුන් ඩොලර් මිලියන 5ක මුදලක් ශ්‍රී ලංකා ක්‍රිකට් ආයතනයේ නොවන වෙනත් ගිණුමකට යොමු කිරීමට උත්සාහ ගනිමින් මේ වංචාව සිදු කිරීමට උත්සාහ ගෙන තිබේ.

කෙසේවුවද, බදුවලින් බේරීමට එම මුදල ක්‍රිකට් ගිණුමට බැර නොකොට වෙනත් ගිණුමකට බැර කිරීමට උත්සාහ ගත්බව මේ සම්බන්ධයෙන් නිදහසට කරුණු දක්වමින් ගිණුම් අංශ ප්‍රධානියා පවසා තිබේ.

මේවන විට ක්‍රිකට් ආයතනයේ සියලුම ප්‍රධානීන් ක්‍රීඩා අමාත්‍ය ෆයිසර් මුස්තාපා මහතා හමුවීමට ඔහුගේ කාර්යාලයට ගොස් සිටින බවද ක්‍රිකට් ආයතන අභ්‍යන්තර ආරංචි මාර්ගවලින් වාර්තා වේ.

(මිරර් ගේම්ස්)

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top