Oct 01, 2018

ස්ත්‍රී දූෂණ කතාව, අසත්‍ය පුවතක් - රොනාල්ඩෝ

ඇමෙරිකානු කාන්තාවක් විසින් තමාට එල්ල කර ඇති ස්ත්‍රී දූෂණ චෝදනාව ‘අසත්‍ය පුවතක්’ බව පාපාන්දු තරුවක් වන ක්‍රිස්ටියානෝ රොනාල්ඩෝ පවසයි.

ඉන්ස්ටර්ග්‍රෑම් වෙත වීඩියෝවක් එකකරමින් රොනාල්ඩෝ පවසා තිබුණේ සිය නම යොදාගෙන ඔවුන්ට ජනප්‍රිය වීමට අවශ්‍ය බවයි.

මේ පුවත මුලින්ම වාර්තා කළ ජර්මනියේ ‘ඩර් ස්පීගල්’ සඟරාවට එරෙහිව නඩුමගට බසින බව රොනාල්ඩෝ ගේ නීතීඥයන් පවසා ඇත.

මෙම සඟරාවට අනුව රොනාල්ඩෝ විසින් 2009 දී ලාස් වේගාස් හි හෝටල් කාමරයක් තුළදී කැත්‍රින් මයෝගා නම් කාන්තාවක් දූෂණය කර ඇති අතර, ඇය විසින් ඒ සම්බන්ධයෙන් ලාස් වේගාස් පොලිසියට පැමිණිල්ලක් ද ඉදිරිපත් කර ඇත.

කෙසේවෙතත්, 2010දී දෙපාර්ශවය විසින් මෙම සිද්ධිය අධිකරණය හමුවට නොයා සමථයකට පත්කර ඇති බවත්, මේ සිද්ධිය යළි ප්‍රසිද්ධියට පත්නොකරන බවට පොරොන්දුව මත රොනාල්ඩෝ විසින් ඩොලර් 375,000ක මුදලක් ඇයට ගෙවා ඇතැයි පැවසෙන බවත් විදෙස් වාර්තා සඳහන් කරයි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top