Sathosa

Oct 04, 2018

ඈෂ්ලි හා ජෙරොම් 4වැනි තට්ටුවට !

පසුගියදා අවසන් වූ දකුණු අප්‍රිකා සංචාරය හා බැඳුනු හිඟ මුදල් සම්බන්ධයෙන් ප්‍රකාශයක් ලබාදීමට ශ්‍රී ලංකා ක්‍රිකට් ප්‍රධාන විධායක නිලධාරි ඈෂ්ලි ද සිල්වා මහතා හට රහස් පොලිසිය විසින් කැඳවුම් කර ඇතැයි ‘ක්‍රිකට් ඒජ්’ වාර්තා කරයි.

ප්‍රකාශයක් ලබාදීමට ඈෂ්ලි ද සිල්වා මහතා සමඟ පැමිණෙන මෙන් ශ්‍රී ලංකා ක්‍රිකට් ප්‍රධාන මෙහෙයුම් නිලධාරී ජෙරෝම් ජයරත්න මහතාට ද රහස් පොලිසිය පවසා ඇති බවද එහි දැක්වේ.

පසුගිය දකුණු අප්‍රිකානු තරගාවලියේ රූපවාහිනී විකාශය වෙනුවෙන් සෝනි පික්චර්ස් නෙට්වර්ක්ස් ඉන්ඩියා සමාගමින් ලැබිය යුතු 15% ක අවසන් ගෙවීම ක්‍රිකට් ආයතනයේ ගිණුම්වලට ලැබී නැතැයි මීට පෙර වාර්තා විය.

අදාළ මුදල සෝනි පික්චර්ස් නෙට්වර්ක්ස් ඉන්ඩියා සමාගම විසින් ගෙවා ඇතත් එය ක්‍රිකට් ආයතනයේ ගිණුමට ලැබී නැතැයි පැවසේ. එය ලැබී ඇති ගිණුමද මෙතෙක් සොයාගත නොහැකි වී ඇති බව වාර්තා වේ.

එංගලන්ත පිලේ ශ්‍රී ලංකා සංචාරය වෙනුවෙන් ශ්‍රී ලංකා පිලේ විකාශ අයිතිය ලබාගෙන ඇති සෝනි පික්චර්ස් නෙට්වර්ක්ස් ඉන්ඩියා සමාගම ලබාදුන් ඩොලර් මිලියන 5ක මුදලක් ශ්‍රී ලංකා ක්‍රිකට් ආයතනයේ නොවන වෙනත් ගිණුමකට යොමු කිරීමට උත්සාහ ගැනීමේ සිද්ධියක් පසුගිය මාසයේදී අනාවරණය විය.

ඒ සම්බන්ධයෙන් මේවන විට අපරාධ පරීක්ෂණ දෙපාර්තමේන්තුව පරීක්ෂණ පවත්වනු ලබයි.

මේ අතර, ඊයේ දිනයේදී ශ්‍රී ලංකා ක්‍රිකට් නිවේදනය කර තිබුණේ 2013 - 2018 කාලය අතරතුර ක්‍රිකට් ආයතනය විසින් සිදුකළ මාධ්‍ය විකාශන අයිතීන් හා බැඳුනු සහ ලැබීම් හා ගෙවීම් සම්බන්ධව විශේෂ විගණන පරීක්ෂණයක් ආරම්භ කරන බවයි.

සබැඳි පුවත් :

ක්‍රිකට් ආයතනයේ තවත් මුදල් වෙනත් ගිණුම්වල !

හොකොං ගිණුමට ක්‍රිකට් ආයතනයේ 2ක් ගැන සැක !

ක්‍රිකට් ආයතනයේ කෝටි ගණනක වංචාවක් : ගිණුම් අංශයට සීල් තබයි

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top