Jan 09, 2017

සනාගේ ගැටුම් අහවරයි, ද. අප්‍රිකාවට යන්න අවසරයි Featured

සනත් ජයසුරිය මහතාගේ සභාපතිත්වයෙන් යුත් ක්‍රිකට් තේරීම් කමිටුව සහ ශ්‍රී ලංකා ක්‍රිකට් ආයතන පරිපාලනය අතර උද්ගතවී තිබූ ගැටුම්කාරී තත්ත්වය මේ වන විට සමතයකට පත්ව ඇති බව වාර්තා වේ.

ජයසුරිය මහතාගේ මෙම ගැටුම්කාරී තත්ත්වය පිළිබඳව ක්‍රීඩා අමාත්‍ය දයාසිරි ජයසේකර මහතා දැනුවත් කිරීමට ද පියවර ගත් අතර ඔහු තේරීම් කමිටු සභාපතිත්වයෙන් ඉවත් වීමට සූදානමින් සිට ඇත.

දකුණු අප්‍රිකානු සංචාරයේ සිට ජාතික කණ්ඩායමේ විදේශ තරග සංචාරවලදී තේරීම් කමිටු සාමාජිකයකු සහභාගි නොකිරීමට ගෙන ඇති තීරණය ගැටුම කරළියට පැමිණීමට ආසන්නතම හේතුව බව පැවසේ.

සනත් ජයසූරිය සහ ක්‍රිකට් බලධාරීන් අතර මේ පිළිබඳව පසුගිය සතියේ සාකච්ඡාවක් පැවැති බවද එහිදී දකුණු අප්‍රිකානු සංචාරයට තේරීම් කමිටු සාමාජිකයකු සහභාගි කරවීමට එකඟ වී ඇති බවද දැනගන්නට තිබේ.

ශ්‍රී ලංකා ක්‍රිකට් ආයතනයේ ප්‍රධාන නිලධාරියකුගෙන් මේ පිළිබඳව කළ විමසුමකදී ඔහු පැවසුවේ තේරීම් කමිටු සාමාජිකයාට ටෙස්ට් තරගාවලියේ අවසන් දින කීපයේ සිට එක්දින තරග දක්වා දකුණු අප්‍රිකාවට යෑමට අවස්ථාව ලබාදීමට තීරණය කළ බවය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top